तनहुँबाट बुद्धिचाल र टेवलटेनिस खेलाडी छनोट

नवौ राष्ट्रिय खेलकुद प्रतियोगिताका लागि तनहुँबाट बुद्धिचाल र टेवलटेनिस खेलका लागि खेलाडी छनोट गरिएको छ । जिल्ला बुद्विचाल संघ तनहुँले शनिबार दमौलीमा आयोजना गरेको प्रतियोगितामा बुद्धिचाल खेलमा तनहुँबाट तीन जना खेलाडी छनोट गरेको हो । उक्त खेलमा बन्दिपुर गाउँपालिकाका रामबहादुर थापा प्रथम, म्याग्दे गाउँपालिकाका रुचन कायस्थ द्धितीय र व्यास-४ का नरेन्द्र न्यौपाने तृतीय भएका छन् ।

गण्डकी प्रदेशमा हुने प्रतियोगितामा भाग लिनको लागि उनीहरु छनोट गरिएको जिल्ला बुद्विचाल संघ तनहुँका अध्यक्ष भरत पोख्रेलले जानकारी दिए । प्रतियोगितामा १६ टीम सहभागि भएका थिए । यस्तै, नवौ राष्ट्रिय खेलकुद प्रतियोगिताका लागि तनहुँबाट पाँच जना टेवलटेनिस खेलाडी छनोट गरिएको छ ।

शनिबार सञ्चालन गरिएको प्रतियोगिताबाट व्यासका बालकृष्ण तिवारी, रामदास उपाध्याय, भानुका गणेश खत्री, ऋषिङका प्रकाश गिरी, म्याग्देका मनिष थापा छनोट भएको खेल संयोजक भूपेन्द्र कोइरालाले बताए । असोजमा सञ्चालन हुने प्रतियोगिताका लागि जिल्लामा भलिबल लगायतका खेलका खेलाडी छनोट कार्य सञ्चालन भइरहेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर