राधा माविले जित्यो राष्ट्रपति रनिङशिल्डको उपाधि

तनहुँको म्याग्दे गाउँपालिकाले आयोजना गरेको राष्ट्रपति रनिङशिल्डको उपाधि राधा माध्यमिक विद्यालय जामुनेले जितेको छ । बिहीबार सम्पन्न प्रतियोगितामा विभिन्न विधामा उत्कृष्ट हासिल गर्दै राधाले उपाधि जितेको हो ।

प्रतियोगितामा मिन माध्यमिक विद्यालय द्वितीय र गणपति माध्यमिक विद्यालय तृतीय भएको छ । प्रथम, द्वितीय र तृतीय हुने विद्यालयले क्रमशः रु २० हजार, रु १५ हजार र रु १० हजार नगद पुरस्कार प्रदान गरिएको छ ।

प्रतियोगितामा भलिवल, कवड्डी, १०० मिटर दौड, २०० मिटर दौड, ४०० मिटर दौड, ८०० मिटर दौड र १५०० मिटर दौड, रिले दौड १०० र २०० मिटरको, हाइजम्प, लङ्गजम्प, त्रिपल जम्प, छेलो हान्ने र भाला फाल्ने खेल सञ्चालन गरिएको थियो ।

विजेतालाई पुरस्कार वितरण गर्दै गाउँपालिकाका अध्यक्ष श्रीप्रसाद श्रेष्ठले विद्यालय स्तरदेखि नै खेल खेल्दा वृद्धि विकासमा सहयोग पुग्ने बताए । उपाध्यक्ष बालकृष्ण घिमिरेले गाउँपालिकाले खेल क्षेत्रलाई प्राथमिकता दिने गरी कार्यक्रम अगाडि बढाएको बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर