व्यास नगरपालिकाले कर्मचारीको स्तरवृद्धि प्रक्रिया अगाडी बढाउने

तनहुँको व्यास नगरपालिकाले कर्मचारीको स्तरवृद्धि प्रक्रिया अगाडी बढाउने भएको छ । स्थानीय सेवा (गठन तथा सञ्चालन) अध्यादेश, २०७९ अनुसार स्थानीय तहमा कार्यरत कर्मचारीको स्तरवृद्धि प्रक्रियालाई अगाडी बढाउने निर्णय गरेको हो ।

नगरप्रमुख बैकुण्ठ न्यौपानेको अध्यक्षतामा आइतबार बसेको कार्यपालिका बैठकले गण्डकी प्रदेश सरकारले स्थानीय तहमा कार्यरत कर्मचारीको बढुवाका लागि अध्यादेश ल्याएको र सोही अध्यादेश बमोजिम नगरपालिकाले स्तरवृद्धि प्रक्रिया अगाडी बढाएको थियो ।

प्रदेश सरकारको अध्यादेश बमोजिम नगरपालिकाले स्तरवृद्धि प्रक्रिया अगाडि बढाएपनि आचारसंहिता लागेकाले निर्वाचन कार्यालयले स्पष्टीकरण सोधेको थियो । सोही बमोजिम नगरपालिकाले निर्वाचन आयोगबाट अनुमति प्राप्त भएपछि वा निर्वाचन सम्पन्न भएपछि मात्र अघि बढाउने निर्णय गरेको प्रमुख प्रशासकीय अधिकृत हरिराम नागिलाले जानकारी दिए ।

यस्तै, नगरपालिकाले सुरक्षित आवास कार्यक्रम अन्तर्गत दुइ सय घरधुरीलाई थप रकम प्राप्त भएकाले तत्काल विवरण संकलन गरी मुल्याङकन प्रकृया अघि बढाउन सम्बन्धित वडालाई निर्देशन दिएको छ । नगरपालिका भित्र जग्गाहरुको भू-उपयोग नियमावलि, २०७९ अनुसार वडागत रुपमा जग्गा वर्गिकरण प्रकृया स्थानीयहरुको सहभागितामा अन्तिम रुप दिने निर्णय नगरपालिकाले गरेको छ ।

यस्तै, बैठकले अविरल वर्षाका कारणले नगरपालिका भित्र भएको क्षतिको वडागत विवरण सम्बन्धित वडा अध्यक्षहरुबाट प्रस्तुत भई तत्काल सम्बोधन गर्नुपर्ने विषयहरु पहिचान गरी राहत पुनःनिर्माण गर्ने निर्णय गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर