नृत्य प्रतियोगिता
तनहुँको दमौलीमा शनिबार एनप्याब्सन तनहुँले दमौलीमा आयोजना गरेको अन्तर विद्यालय नृत्य प्रतियोगितामा नृत्य प्रस्तुत गर्दै विद्यार्थीहरु । प्रतियोगितामा लाली गुराँस विद्या सागर प्रथम, न्यू मनकामना द्धितीय, दमौली पब्लिक इङ्ग्लिस स्कूल तृतीय हुन सफल भएका छन् भने आदर्श विद्या गृह, ग्रीन स्टार सेकेण्डरी बोर्डिङ स्कुल र तनहुँ ताराले सान्त्वना स्थान प्राप्त गर्न सफल भएका छन् ।
यस्तै, एनप्याब्सनले आयोजना गरेको वक्तृत्वकला प्रतियोगितामा न्यू मनकामना इङ्ग्लिस बोर्डिङ स्कुल प्रथम, ग्रिनस्टार सेकेन्डरी बोर्डिङ स्कुल द्धितीय, पराशर सेकेन्डरी बोर्डिङ स्कुल तृतीय र दमौली पब्लिक इङ्ग्लिस बोर्डिङ स्कुलले सान्त्वना स्थान प्राप्त गर्न सफल भएका छन् । विद्यार्थीमा रहेका प्रतिभा प्रस्फुटन गर्ने उद्देश्यसहित आयोजित अन्तर विद्यालय नृत्य प्रतियोगिताका प्रथम, द्वितीय र तृतीय हुने विद्यालयलाई क्रमशः रु १६ हजार, रु १२ हजार र रु आठ हजार रुपैयाँ तथा सान्त्वना हुने तीन वटा विद्यालयलाई रु तीन हजारका दरले पुरस्कार प्रदान गरिएको छ ।
यस्तै, अन्तर विद्यालयस्तरीय वक्तृत्वकला प्रतियोगिताका प्रथम, द्वितीय र तृतीय हुने विद्यालयलाई क्रमशः रु चार हजार, रु तीन हजार र रु दुइ हजार तथा सान्त्वना हुने विद्यालयलाई रु एक हजार प्रदान गरिएको छ । प्रतियोगितामा प्रथम र द्वितीय हुने विद्यालयले प्रदेशस्तरीय प्रतियोगितामा सहभागी हुन पाउने छन् ।
तस्विर : भञ्ज्याङ
