दुई सातादेखि बेपत्ता आमाछोरा अझै फेला परेनन्
दुई साता देखी बेपत्ता भएका आमा छोरा अझै फेला परेका छैनन् । दुई साता देखी बेपत्ता भएका व्यास नगरपालिका–१० बिपी भञ्ज्याङ्गका २० वर्षीया राममाया विक र ४ वर्षीयाको छोरा लप्सन विक अझै फेला नपरेका हुन ।
राममायाको श्रीमान् लोकबहादुर विकले गत वैशाख ३ गते बिहान देखि बेपत्ता भएको श्रीमती र छोरा खोजी गर्दा पनि फेला नपरेको बताए । श्रीमती र छोरा बेपत्ता भएको दुई साता नाघिसक्दा पनि फेला नपरे पछि खोजीका लागि प्रहरी कार्यालयमा निवेदन दिएको उनले बताए ।
भारतको रोजगारीमा गर्दै आएका श्रीमान् लोकबहादुर श्रीमती र छोरा बेपत्ता भएको खबर भए पछि नेपाल आएका थिए । आफन्तलगायत सबैतिर खोजी गर्दा पनि फेला नपरे पछि खोजी गरिदिन उनले अपिल गरेका छन् ।
