वर्षाले सडक भाँसिदा पृथ्वीराजमार्गको तनहुँ स्थित छिर्कने-घाँसीकुवा खण्ड एकतर्फी
भञ्ज्याङन्यूज
सोमबार रातीदेखि परेको अविरल वर्षाका कारण पृथ्वीराजमार्ग अन्तर्गत तनहुँको व्यास नगरपालिका-१२ देउरालीमा मंगलबार सडक भासिएको छ । सडक भासिएपछि अहिले छिर्कने-घाँसीकुवा खण्डमा एकतर्फी यातायात सञ्चालनमा ल्याइएको छ ।
मुग्लिन-पोखरा सडक विस्तार योजनाको काम भइरहेकाले उक्त ठाउँमा सडक भासिएको जिल्ला प्रहरी कार्यालय तनहुँले जनाएको छ । सडक भासिँदा उक्त खण्ड एकतर्फी सञ्चालनमा ल्याइएको जिल्ला ट्राफिक प्रहरी कार्यालय तनहुँका प्रमुख वरिष्ठ प्रहरी नायव निरीक्षक राविजव विष्टले जानकारी गराए ।
निर्माणाधीन आँबुखैरेनी-जामुने-कोत्रे सडकखण्डमा वर्षातको पानीका कारण ठाउँ-ठाउँमा साना तथा ठूला पहिरो जाने, सडक भासिने र सवारी साधन फस्ने समस्या रहेको जिल्ला ट्राफिक प्रहरी कार्यालय तनहुँले जनाएको छ ।
