तनहुँ जलविद्युत आयोजनाबाट प्रभावित घर परिवारलाई बाख्रा पालन तालिम
भञ्ज्याङ समाचारदाता/दमौली
तनहुँ जलविद्युत आयोजनाले आयोजनाबाट प्रभावित घरपरिवारलाई व्यवसायिक बाख्रा पालन तालिम दिएको छ ।
आयोजना प्रभावितको जीविकोपार्जन पुनःस्थापना कार्यक्रम अन्तर्गत व्यास नगरपालिका-५ बेतेनी क्षेत्रका आयोजना प्रभावितहरुलाई तीन दिने व्यवसायिक बाख्रापालन सम्बन्धी तालिम दिइएको हो ।
आयोजना प्रभावितहरुको स्वःरोजगार तथा आयआर्जन वृद्धि गर्ने उद्देश्यले दिइएको तालिममा २३ जनाको सहभागिता थियो । बिउको रुपमा समूहलाई २ वटा बोका र २.५ के.जी. घाँसको बिउ उपलब्ध गराइएको थियो ।
तालिमको समापन कार्यक्रममा बोल्दै आयोजनाका प्रबन्ध निर्देशक किरण कुमार श्रेष्ठले तनहुँ जलविद्युत आयोजनाबाट प्रभावितहरुको जिविकोपार्जन तथा आयआर्जनमा बृद्धि गर्ने उद्देश्यले तालिम दिईएको बताए ।
