तनहुँको आवुखैरेनीमा जिप दुर्घटना, चालक सहित ५ यात्रु घाइते

तनहुँको आवुखैरेनीमा जिप दुर्घटना हुँदा चालक सहित ५ जना घाइते भएका छन ।

मुग्लिङ तर्फ जादै गरेको बा१७च ७९६० नम्बरको बोलेरो जिप आज बिहान करिब ४:०० को समयमा आबुखैरेनी गाउँपालिका वडा नं. ४ पावर हावस स्थित पृथ्वी राजमार्ग सडक खण्डबाट करिब १५० तल खसेको तनहुँ प्रहरीले जनाएको छ ।

उक्त दुर्घटनामा चालक सहित जीपमा सवार यात्रुहरु मध्ये ५ जना घाईते भएको र घाईतेहरुको ईलाका प्रहरी कार्यालय आबुखैरेनी तनहुँबाट खटिएको प्रहरी टोली र कालिभन्जन गण(ई) सुरक्षा पोष्ट तनहुँबाट खटिएको नेपाली सेना समेतको संयुक्त टोलीले उद्दार गरी उपचारका लागि पठाइएको  जिल्ला प्रहरी कार्यलय तनहुँले जानकारी गराएको छ ।

जीप दुर्घटनामा परि चालक कैलालीको धनगढी नगरपालिका वडा नं. ४ बस्ने वर्ष २७ को दयाराम राना, सुर्खेतको बिरेन्द्र नगरपालिका वडा नं. ६ बस्ने वर्ष २८ को थानेश्वर भट्टराई, वडा नं. ९ बस्ने वर्ष २८ को निबस खत्री, दार्चुला महाकाली नगरपालिका वडा नं. ५ बस्ने वर्ष २४ को राकेश भट्टको आवुखैरेनी अस्पतालमा उपचार भैरहेको छ ।

यस्तै, कैलाली गोदाबारी न.पा.-३ बस्ने वर्ष ३० को खगेन्द्रराज पनेरुको पुरानो मेडिकल कलेज भरतपुर चितवनमा उपचारका लागि पठाइएको तनहुँ प्रहरीले बताएको छ ।