महायज्ञमा पाँच लाख रुपैयाँ दान संकलन

नेपाल नेत्रहीन संघ तनहुँले दमौलीमा सञ्चालन गरेको श्रीमद् भागवत ज्ञान महायज्ञको चौथो दिनसम्म पाँच लाख रुपैयाँ दान संकलन भएको छ ।

ज्ञान महायज्ञमा शनिबार तीन लाख रुपैयाँ दान संकलन भएको आयोजकले जनाएको छ । पौष १८ गतेदेखि सुरु भएको महायज्ञमा यस अगाडि दुइ लाख रुपैयाँ दान संकलन भएको बताइएको छ । महायज्ञ २६ गतेसम्म चल्नेछ ।

भवन निर्माणार्थ तनहुँ नेत्रहीन संघले सदरमुकाम दमौलीमा पहिलो पटक ज्ञान महायज्ञ शुरु गरेको हो । संघले केही समय अघि जग्गा दान प्राप्त गरेपछि उक्त जग्गामा भवन निर्माण गर्न आर्थिक स्रोत जुटाउन महायज्ञको आयोजना गरेको संघका अध्यक्ष चिनबहादुर कुमालले बताए ।

व्यास नगरपालिका-५ पाटन निवासी केबी गुरुङले पच्चिस लाख रुपैयाँ मूल्य बराबरको ४ आना २ दाम जग्गा उपलब्ध गराएपछि भवन निर्माण गर्न नेत्रहीन संघ तनहुँ लागि परेको छ । गुरुङले गत साउनमा मालपोत कार्यालयमा गएर रजिष्टेशन पास गरी तनहुँ नेत्रहीन संघलाई जग्गाको भोगाधिकार प्रदान गरेका छन् ।

प्रमुख वाचक परशुराम काफ्ले रहेको महायज्ञबाट संकलित रकमले मानवमैत्री भवन निर्माण गर्ने योजना रहेको तनहुँ नेत्रहीन संघका अध्यक्ष कुमालले बताए । महायज्ञबाट चालिस लाख रुपैयाँ बराबरको दान संकलन गर्ने लक्ष्य आयोजकले लिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर