तनहुँमा छुवाछुत उन्मुलन राष्ट्रिय दिवस मनइने
भञ्ज्याङन्यूज
संयुक्त राजनीतिक दलित संघर्ष समिति तनहुँले छुवाछुत उन्मुलन राष्ट्रिय दिवस मनाउने भएको छ । समितिका संयोजक डोबाटे बि.क.को अध्यक्षतामा बसेको बैठकले जेठ २१ ग्ाते सोमबार उक्त दिवस मनाउन १५ सदस्यीय व्यवस्थापन समिति र विभिन्न उपसमिति गठन गरेको छ ।
दिवस मनाउनका लागि महिला परिचालन उपसमितिमा लक्ष्मी परियारको संयोजकत्वमा तीन सदस्य समिति गठन गरिएको छ । जसमा सुनिता नेपाली र जौमाया सुनार रहेका छन् । त्यसैगरी संस्कृति उपसमितिको संयोजकमा श्रीराम गन्र्धव, कृष्णबहादुर परियार, सन्दीप परियार, सीता बिसी रहेका छन् । सम्मान उपसमितिको संयोजकमा विकास सुनार, गोपाल सुर्खाली, प्रकाश सुनाररहेका छन् ।
मिडिया उपसमितिको संयोजकमा एस.बि. नेपाली, पूर्ण बिक, अशोक बिक, सन्तोष बिक, सुरेश सुनार, शालिकराम सुनार, शर्मिला बिक, अन्जान परियार रहेका छन् भने, प्रचारप्रसार उपसमिति संयोजकमा अमृतबहादुर नेपाली, गोपाल सुर्खाली र दीपक बिक रहेका छन् । मञ्च व्यवस्थापन उपसमितिको संयोजकमा पदम सुनार, मिनबहादुर चदारो र लोकबहादुर बिक रहेको बताइएको छ ।
यस्तै, बैठकले राजनीतिक क्षेत्र लगायतका विविध क्षेत्रमा योगदान गरेका चार व्यक्तिलाई सम्मान गर्ने भएको छ । भानुकी उपप्रमुख उमा गोतामे, शुक्लागण्डकी नगरपालिकाकी निवर्तमान उपप्रमुख सबिता रसाइली, शुक्लागण्डकीकै उपप्रमुख खुम बहादुर बिक राजु र मरणोपर्यन्त स्व. रामलिला सुवर्णकारलाई सम्मान गरिने भएको छ ।
छुवाछुत मुक्त राष्ट्र घोषण भएपनि कार्यन्वयन नभएकाले दलितका हक अधिकार स्थापित गर्न दबाब दिने उद्देश्यले कार्यक्रमको आयोजना गरिएको समितिले बताएको छ । सरकारले विसं २०६३ पुनःस्थापित संसदले छुवाछुतमुक्त राष्ट्र घोषणा गरेको खुशीयालीमा उक्त दिवस मनाउन लागेको हो ।
