दुर्घटनामा दमौलीका एक युवकको मृत्यु
मोटरसाइकल दुर्घटनामा परि दमौलीका एक युवकको मृत्यु भएको छ । पृथ्वीराजमार्ग अन्तर्गत तनहुँको बन्दीपुर–५ याम्पाफाँटमा आज बिहान मोटरसाइकल दुर्घटना हुँदा ती युवकको शाहको मृत्यु भएको हो ।
तनहुँ प्रहरीका अनुसार मृत्यु हुनेमा महोत्तरी जिल्ला जलेश्वर नगरपालिका घर भई हाल व्यास नगरपालिका–२ दमौलीमा बस्दै आएका २२ वर्षीया सुमित शाह हुन ।
उनले चलाएको बाग्मती प्रदेश २–०२–००३९९४२ नम्बरको मोटरसाइकल आफै अनियन्त्रित भई दुर्घटना हुँदा शाहको घट्नास्थलमै मृत्यु भएको प्रहरीले जनाएको छ । मोटरसाइकल र चालक सडकदेखि करिब १५ मिटर तल भेटिएको जिल्ला प्रहरी कार्यालय तनहुँका प्रहरी निरीक्षक विकास पासवानले जानकारी दिए ।
