दमौली सभाहलभित्रको भानुभक्त सभाकक्ष कर्मचारी मिलन केन्द्रलाई हस्तान्तरण
दमौली : तनहुँको दमौलीमा निर्माण गरिएको दमौली सभाकक्षको एक हल कर्मचारी मिलन केन्द्रलाई हस्तान्त्रण गरिएको छ । व्यास नगरपालिकाले दमौली सभाहलभित्र रहेको भानुभक्त सभाकक्ष कर्मचारी मिलन केन्द्र तनहुँलाई हस्तान्तरण गरेको हो ।
जिल्ला समन्वय समिति तनहुँले दमौली सभाहल सञ्चालनको जिम्मा व्यास नगरपालिकालाई दिएपछि मंगलबार आयोजित एक कार्यक्रममा व्यास नगरपालिकाका नगरप्रमुख बैकुण्ठ न्यौपानेले सभाकक्षको औपचारिक पत्र र चाबी निजामती कर्मचारी संघ तनहुँका अध्यक्ष नारायण अधिकारीलाई प्रदान गरेका छन् ।
शिक्षा तथा सामाजिक विकास कार्यालय तनहुँका इकाई प्रमुख र नापी कार्यालय तनहुँका प्रमुखको उपस्थितिमा सो कक्ष मिलन केन्द्रलाई हस्तान्तरण गरिएको नगरप्रमुखको सचिवालयले जनाएको छ ।
