प्रहरीलाई अभद्र व्यवहार गर्ने एक जना पक्राउ
दमौली : तनहुँको व्यास नगरपालिका–१ तालघरेमा मादक पदार्थ सेवन गरी प्रहरीलाई अभद्र व्यवहार गर्ने एक जना विहीबार पक्राउ परेका छन् । पक्राउ पर्नेमा डडेलधुरा असिग्राम गाउँपालिका–२ बस्ने ४० वर्षीय रतनबहादुर महत रहेको जिल्ला प्रहरी कार्यालय तनहुँले जनाएको छ ।
तालघरेस्थित पृथ्वीराजमार्गमा आज सवारी चालकलाई नियमित सम्झाईबुझाइँ तथा जाँच गर्ने क्रममा लु प्र ०१००१ख०५१९ नम्बरको यात्रुवाहक माइक्रो बसका चालक महतले मादक पदार्थ सेवन गरी सवारी साधन चलाएको र खटिएका प्रहरी कर्मचारीलाई अपशब्द प्रयोग गरी गालीगलौज गरेको प्रहरी निरीक्षक राजु अधिकारीले बताए ।
उनले भने, “अभद्र व्यवहार गर्ने निजलाई पक्राउ गरी जिल्ला प्रशासन कार्यालयबाट म्याद थप गरी अनुसन्धान भइरहेको छ ।”
