माछा मार्नेक्रममा १६ वर्षीय किशोरको करेन्ट लागेर मृत्यु

तनहुँको भानु नगरपालिका-१ का एक किशोरको करेन्ट लागेर मृत्यु भएको छ । बन्दिपुर गाउँपालिका-४ डुम्रे स्थित चुँदी खोलामा करेन्टको प्रयोग गरी माछा मार्नेक्रममा १६ वर्षीय स्वरुप तामाङको मृत्यु भएको प्रहरीले जनाएको छ ।

चुँदी खोलामा करेन्ट लगाएर माछा मार्ने क्रममा तामाङको मृत्यु भएको इलाका प्रहरी कार्यालय भानु मुकाम डुम्रेका इञ्जार्च प्रहरी निरीक्षक प्रकाश भुसालले जानकारी दिए । उनका अनुसार करेन्ट लागेर तामाङ मृतावस्थामा खोलामा भेटिएपछि स्थानीयले प्रहरीमा खबर गरेका थिए । मृतकको शव परीक्षणका लागि दमौली अस्पताल ल्याएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर