क्यान तनहुँद्वारा बालगृहलाई कम्प्युटर सहयोग
भञ्ज्याङ न्यूज
क्यान महासंघ तनहुँले व्यास-१० स्थित उज्यालो घर बालगृहलाई कम्प्युटर सेट सहयोग गरेको छ । अन्तर्राष्ट्रिय साक्षरता दिवसको अवसरमा संस्थाले बालबालिकाको अध्ययन र बालगृहको आवश्यक प्रयोजनका लागि भन्दै सहयोग गरेको हो ।
कार्यक्रममा व्यास-१० का वडाध्यक्ष तुलसीराम सापकोटा, क्यान गण्डकी प्रदेश अध्यक्ष तुलसीराम पाण्डे तथा क्यान जिल्ला अध्यक्ष टिकाराम पनेरुले बालगृहका अध्यक्ष दीपक न्यौपानेलाई सहयोग हस्तान्तरण गरेका थिए ।
सहयोग हस्तान्तरण गर्दै क्यानका गण्डकी प्रदेश अध्यक्ष तुलसीराम पाण्डेले बालगृहका बालबालिकाले आधुनिक प्रविधिको पठनपाठनबाट कोही पनि बञ्चित हुन नहुने भन्दै आगामी दिनहरुमा पनि सहयोगको प्रतिवद्धता जनाए । उनले आगामी दिनमा प्रिन्टर, मल्टिमिडिया लगायतका आवश्यक सामाग्रि सहयोग गर्ने प्रतिवद्धता जनाए ।
कार्यक्रममा संस्थाका उपाध्यक्ष विश्वप्रकास भुषाल तथा कार्यक्रम संयोजक मिनबहादुर कुँवर लगायतले सहयोगका विषयमा आ-आफ्नो विचार व्यक्त गरेका थिए ।
