नौ वटा आमा समुहलाई कुर्ची वितरण
- भञ्ज्याङ समाचारदाता (डुम्रे)
तनहुँको बन्दिपुर गाउँपालिकाका ९ वटा आमा समुहलाई कुर्ची वितरण गरिएको छ । रेडियो बन्दिपुरका अध्यक्ष सन्तकुमार श्रेष्ठले स्वर्गीय पिता पुननारायण श्रेष्ठ र माता उजेलीमायाको स्मृतिमा आमा समुहलाई प्लाष्टिकका कुर्ची वितरण गरेका हुन् । श्रेष्ठले बन्दिपुर-१ को छपेली आमा समूह, वडा नं. ४ को शिवालय आमा समूह, वडा नं. ५ को याम्पाफाँट स्थित सयपत्री आमा समूह, प्रगति आमा समूह, सिर्जनशिल आमा समूह, दलित आमा समूह, भुजेलगाउँमा रहेको टोल विकास संस्था, थुम्कामा रहेको समाज कल्याण आमा समूह र कोरिखामा रहेको देउराली आमा समुहलाई प्रति समूह २० थानका दरले करिब १ लाख मूल्य बराबरको कुर्ची उपलब्ध गराएका हुन्।
उक्त कुर्ची हस्तान्तरण गर्दै गाउँपालिकाका अध्यक्ष पूर्णसिं थापाले सामाजिक व्यक्तित्व श्रेष्ठले बन्दिपुरमा सामाजिक सेवामा अग्रणी भूमिका निर्वाह गर्नु भएको भन्दै प्रशंसा गरेका थिए । वडा नं. १, ४ र ५ मा भएको छुट्टाछुट्टै कार्यक्रममा वडा नं. ५ का अध्यक्ष ध्रुब प्रसाद लामिछाने, डुम्रे बजार टोल बिकास संस्थाका अध्यक्ष भगवान श्रेष्ठ, डुम्रे-बिरुवाटार टोल बिकास संस्थाका अध्यक्ष राजु खड्गी, श्रेष्ठकी छोरी प्रशिया, ज्वाइँ विकास श्रेष्ठ लगायतले आ-आफ्ना विचार व्यक्त गरेका थिए ।
