व्यास-६ को महेन्द्र ज्योति माविमा केशर निर्वाचित

तनहुँको व्यास नगरपालिका-६ मा रहेको महेन्द्र ज्योति माध्यामिक विद्यालयको व्यवस्थापन समितिको अध्यक्षमा केशर वहादुर आले निर्वाचित हुनुभएको छ । वडाध्यक्ष सुर्यभक्त भण्डारीको अध्यक्षतामा सम्पन्न भएको उक्त कार्यक्रममा अध्यक्षको आकांक्षीहरु बीच सहमतिबाट नेतृत्व चयन हुन नसकेपछि निर्वाचन मार्फत नेतृत्व चयन गरिएको हो । निर्वाचनमा भएको मत परिणाम अनुसार अध्यक्षमा निर्वाचित केशर वहादुर आलेले १५१ मत प्राप्त गरे भने प्रत्यासीद्वय मेघ प्रसाद नागिलाले ९४ मत र रोम बहादुर विकले २१ मत प्राप्त गरेका थिए । ३६८ कुल मतदाता रहेकोमा जम्मा २९३ मत खसेको थियो ।

यसैगरि व्यवस्थापन समितिको सदस्यहरुमा पनि निर्वाचन भएको थियो । निर्वाचनमा सन्तोष केसी, ढक वहादुर विक र मन्जु घिमिरे सदस्यमा चयन भएका छन् । विद्यालय व्यवस्थापन समितिमा अध्यक्षसहित ४ जना, मनोनित २ जना, शिक्षक प्रतिनिधी १ जना र १ जना वडा प्रतिनिधि गरि ९ जना रहने व्यवस्था रहेको छ । हाल ५०० जना विद्यार्थी विद्यालयमा अध्ययनरत भएको विद्यालयका प्रधानाध्यापक वुद्धि कुमार श्रेष्ठले बताए । यसैगरि नवनिर्वाचत अध्यक्ष केशर वहादुर आलेले शैक्षिक क्षेत्र सुधारका लागि आफुले सबैको साथ र सहयोग लिएर अगाडी बढ्ने बताए । निर्वाचनमा जितहार स्वाभाविक प्रक्रिया हो, अब विद्यालयको शैक्षिक गुणस्तर वृद्धिका लागि सबै मिलेर अगाडी बढ्नुपर्ने बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर