क्यान तनहुँको साधारणसभा
भञ्ज्याङ न्यूज
कम्प्युटर एशोसिएसन महासंघ -क्यान) तनहुँले वाषिर्क साधारणसभा शनिबार सम्पन्न गरेको छ । उक्त साधारणसभालाई सम्बोधन गर्दै व्यास नगरपालिकाका प्रमुख बैकुण्ठ न्यौपानेले व्यावसायिक मर्यादा र जिम्मेवारीमा रहेर अगाडि बढ्न आग्रह गरे । उनले संस्थामा आवद्ध युवाहरुको सामाजिक क्षेत्रमा सकारात्मक योगदान रहेको चर्चा गर्दै सूचना प्रविधिको क्षेत्रमा क्यानसंग सहकार्य गर्न नगरपालिका तयार रहेको बताए ।
क्यानका केन्द्रीय सदस्य कृष्ण पौडेलले केन्द्रको तर्फाट गर्न सक्ने सबै सहयोगका लागि आफुले पुलको काम गर्ने बताए । क्यान महासंघका गण्डकी अध्यक्ष तुल्सीराम पाण्डेले प्रदेशभर नै क्यान तनहुँ उत्कृष्ट रहेको बताउँदै कोभिडका बेलामा पनि संस्थाले सामाजिक काम गर्न सफल भएको बताए । आदिकवि भानुभक्त क्याम्पसका प्रमुख महाप्रसाद हड्खलेले जिल्लामा नयाँ प्रविधि भित्र्याउन क्यानले पहल गर्ने बताए ।
क्यान तनहुँका अध्यक्ष टिकाराम पनेरुको अध्यक्षतामा आयोजित कार्यक्रममा व्यास-२ का अध्यक्ष काशीराम श्रेष्ठ, वल्डलिंक दमौली शाखा प्रमुख मनोज मल्ल, संस्थाका उपाध्यक्ष विश्वप्रकाश भुषल, सचिव लालबहादुर थापा लगायतले आ-आफ्ना विचार व्यक्त गरेका थिए । कार्यक्रममा सचिव थापा र कोषध्यक्ष सुशीलकुमार श्रेष्ठले प्रस्तुत गरेको आर्थिक प्रतिवेदन पारित गरिएको थियो ।
