नेकपा एमाले तनहुँको अध्यक्षमा श्रेष्ठ सर्वसम्मत, उपाध्यक्ष, सचिव, खुल्लासदस्य, अल्पसंख्याक लगायतका पदमा मतदान
भञ्ज्याङ समाचारदाता/दमौली
नेकपा एमाले तनहुँको अध्यक्षमा श्रीप्रसाद श्रेष्ठ सर्वसम्मत निर्वाचित भएका छन् । यसअगाडी उपाध्यक्ष रहेका श्रेष्ठ नवौं जिल्ला अधिवेशनबाट अध्यक्षमा सर्वसम्मत निर्वाचित भएका हुन् । शनिबार उम्मेदवारी दर्ताका क्रममा श्रेष्ठको मात्रै उम्मेदवारी परेपछि उनी सर्वसम्मत अध्यक्षमा निर्वाचित भएको निर्वाचन समितिका संयोजक शिवदत्त ढकालले बताए ।
यस्तै, अध्यक्ष बाहेकका पदमा भने आवश्यक संख्या भन्दा बढीको उम्मेदवारी दर्ता भएको संयोजक ढकालले बताएका छन् । उपसचिव पदमा पनि खिम कुमाल र प्रदीपराज अधिकारी सर्वसम्मत निर्वाचित भएका छन् ।
जिल्ला कमिटी तनहुँको उपाध्यक्षको एक पदमा दुइ उम्मेदवार बीच चुनावी प्रतिस्पर्धा भएको छ । मेखबहादुर थापा र हरिराज कडेल बीच चुनावी प्रतिस्पर्धा भएको छ । यस्तै, सचिव पदमा विष्णुभक्त सिग्देल र राजश्वर ढकाल बीच चुनावी प्रतिस्पर्धा भएको छ । पालिकाको भौगोलिक क्षेत्र अन्तरगत भानु, शुक्लागण्डकी, घिरिङको खुल्ला सदस्य, अल्पसंख्यक सदस्य र खुल्ला सदस्यहरुका लागि मतदान भएको छ ।
