तनहुँको भानुमा सञ्चालन गरिएको हाजिरीजवाफमा जनसहयोगी प्रथम
भञ्ज्याङ समाचारदाता/भानु
तनहुँको भानु नगरपालिकामा सञ्चालन गरिएको माध्यमिक तह स्तरीय हाजिरीजवाफ प्रतियोगितामा वडा नं. १३ सम्जुरको जनसहयोगी माध्यमिक विद्यालय प्रथम भएको छ । नगरपालिकाको शिक्षा, युवा तथा खेलकुद शाखाले पृथ्वी जयन्ती तथा राष्ट्रिय एकता दिवसको अवसरमा उक्त प्रतियोगिता आयोजना गरेको हो । प्रतियोगितामा भानु-२ को होमराज लोहनी शारदा शिक्षा सदन माध्यमिक विद्यालय द्धितीय र वडा नं. ७ को पुर्कोट माध्यमिक विद्यालय तृतीय हुन सफल भएका छन् ।
प्रतियोगितामा प्रथम, द्वितीय, तृतीय र सान्त्वना स्थान प्राप्त गर्ने टिमलाई क्रमशः नगद रू. ७०००, रू. ५०००, रू ३००० र रू २००० र प्रमाणपत्र प्रदान गरिएको थियो । प्रतियोगितामा नगरपालिका क्षेत्रका सामुदायिक र संस्थागत गरी २० वटा विद्यालयका विद्यार्थीहरु सहभागि भएका थिए ।
