शुक्लागण्डकी-२ मा मुक्ति समाज गठन

नेकपा एमालेको वर्गीय संगठन नेपाल उत्पीडित जातीय मुक्ति समाज शुक्लागण्डकी नगरपालिका-२ मा वडा कमिटी गठन गरिएको छ । वडा नं. २ को एक्लेखेतमा आयोजना गरिएको भेलाले कुमार विकको अध्यक्षमा २१ सदस्यीय मुक्ति समाज गठन गरेको हो ।

समाजको उपाध्यक्षमा रेखा परियार, सचिव समिक्षा विक, सह सचिवमा विकास विक र केशबहादुर परियार चयन भएका छन् । सदस्यहरुमा विमल वि.क, सरस्वती परियार, सन्दिप वि.क., विनोद वि.क., सुरक्षा वि.क., सुरेश विक., सागर विक, आषिश विक, पुजा वि.क., माया परियार, विकास सुनार, रामचन्द्र परियार लगायत रहेका छन् ।

समाज गठन कार्यक्रममा एमाले केन्द्रीय सदस्य सविता रसाइलीले महिला र दलित समुदायका अधिकार स्थापित गर्न एमाले पार्टीले योगदान दिएको बताइन् । उनले आफुलाई स्थानीय तहको उपमयेर बन्ने अवसर एमालेले प्रदान गरेर समग्र महिला तथा दलित वर्गलाई न्याय गरेको चर्चा गर्दै समुदायको परिवर्तनका लागि एमालेमा समाहित भएर अघि बढ्न समेत आग्रह गरिन् ।

भेलामा नेकपा एमालेको भातृ संगठन राष्ट्रिय युवा संघ नेपालका केन्द्रीय सदस्य तिर्थराज खनाल, मुक्ति समाज शुक्लागण्डकी नगरकी इञ्चार्ज सिता विक, एमाले शुक्लागण्डकी-२ का इञ्चार्ज धर्मराज तिमिल्सिना, शुक्लागण्डकी नगरपालिकाका कार्यपालिका सदस्य भरत लामगादे, मुक्ति समाज शुक्लागण्डकीका अध्यक्ष दुर्गाबहादुर विक लगायतका वक्ताहरुले दलित समुदायका अधिकार स्थापितका लागि संविधानमा गरिएको व्यवस्थालाई ब्यवहारमा लागु गर्नर्ुपर्नेमा जोड दिए ।

सेयर गर्नुहोस्

प्रतिक्रिया दिनुहोस्

सम्बन्धित खवर