जबरजस्ती करणी गरेको अभियोगमा भानुबाट एक जना पक्राउ
भञ्ज्याङ न्यूज
जवरजस्तीकरणी गरेको अभियोगमा तनहुँको भानु नगरपालिकाबाट एक जना पुरुषलाई प्रहरीले पक्राउ गरेको छ । बिहीबार विहान ४ बजे भानु-२ बाह्रबिसेबाट उक्त व्यक्तिलाई पक्राउ गरेको प्रहरी नायव उपरीक्षक युवराज खड्काले बताए ।
करिव ३५ वर्षीया महिलालाई जवरजस्ती करणी गरेको अभियोगमा संखुवासभा चैनपुर नगरपालिका-२ महिमका ४० वर्षीय शिव न्यौपानेलाई पक्राउ गरिएको खड्काले बताए ।
पीडित महिला डुम्रे-बेशीशहर सडकखण्ड विस्तार आयोजनाको लेवर क्याम्पमा बस्दै आएकी थिइन् । प्रहरीका अनुसार सोही क्याम्पका ठेकेदार न्यौपानेले जबरजस्ती करणी गरेको अभियोगमा जाहेरी परेपछि पक्राउ गरेको हो ।
उक्त घटनाका सम्बन्धमा थप अनुसन्धन भइरहेको प्रहरी नायव उपरीक्षक खड्काले बताए ।
