“व्यासका मेयर पदका उम्मेदवार जोशीको प्रतिबद्धता” (पूर्णपाठ सहित)

तनहुँको व्यास नगरपालिकामा मेयर पदका उम्मेदवार दीपकराज जोशीले प्रतिबद्धता पत्र सार्वजनिक गरेका छन् । नेकपा एमालेको र्समर्थनमा व्यास नगरपालिकाको मेयर पद दाबी गरेका जोशीले आइतबार पत्रकार सम्मेलन गर्दै प्रतिबद्धता पत्र सार्वजनिक गरेका हुन् । प्रतिबद्धता पत्र सार्वजनिक गर्दै जोशीले आफ्नो एजेण्डाका कारण आफूले जित्ने बताए । जोशीले नगरपालिकालाई केवल नारामा मात्र नभईकन व्यवहारमै सुव्यवस्थित, समुन्नत र सुन्दर नगरपालिका बनाइने बताए ।

नगरको विकास स्थानीय उपभोगलाई दृष्टिगत गरी उत्पादनमा जोड दिएर आयातलाई न्यूनीकरण गर्ने खालको चक्रीय अर्थव्यवस्थाको आधारमा गरिने जोशीले बताए । नगरपालिका भित्रकै स्रोतहरुको सही परिचालन, प्रयोग, पुनप्रयोग र पुनःस्थापना सिद्धान्तमा आधारित चक्रीय प्रणाली अपनाएर नगरको विकास गरिने उनले बताएका छन् ।

शिक्षा, स्वास्थ्य, सामाजिक सुरक्षा, सुशासन र पारदर्शीता, कृषि र रोजगारी, फोहोर व्यवस्थापन र स्वच्छ वातावरण, खेलकुद, जनचेतना, धर्म र संस्कृति, व्यापार, व्यवसाय र पर्यटन, खानेपानी तथा विजुली, सञ्चार र सूचना प्रविधिका क्षेत्रमा आफुले गर्ने कार्यको सूची र्सार्वजनिक गर्दै नगरबासीसंग आफुलाई मतदान दिन अनुरोध गरेका छन् ।

उनले सार्वजनिक गरेको प्रतिवद्धता पुरा गर्नका लागि नगरपालिकाकै आन्तरिक खर्च व्यवस्थापनबाट पुरा गर्न सकिने विकल्पहरु समेत देखाएका छन् । व्यासको जम्मा बजेट १ अर्व ७० करोड छ । जसमा १५-२० प्रतिशतसम्म चुहावट हुने गर्न । जुन आधा मात्र कम गर्न सके सो रकमले जनहितका लागि दुइवटा दमकल किन्ने पैसा बच्ने उनले बताएका छन् ।

नगरपालिकामा अनावश्यक करार कर्मचारीलाई हटाउँदा वर्षमा झण्डै दुइ करोड रुपैयाँ बचाउन सकिने, नगरपालिकाका कार्यक्रमहरु मितव्ययिताको कदर गर्दै भोजभतेर र भ्रमणको फजुल खर्च कछौटी गर्ने, हाल भइरहेको वार्षिक ४५ लाख रुपैयाँको इन्धन खर्चले ५ वर्षमा २ करोड नाघेको छ । सो रोक्न आवश्यक काममा मात्र सवारी साधान प्रयोग गरी इन्धन र बजेट बचाउने उनले प्रतिवद्धता जनाएका छन् ।

जोशीले नगरपालिकामा हुने सबै चुहावट र फजुल खर्च नियन्त्रण गर्न सकेमा आफुले प्रतिवद्धता गरेका सबै क्षेत्रका काम गर्न सहजरुपमा सकिने दाबी गरेका छन् । उनले जनताका जनजिविकाका सवालहरुलाई विशेष महत्वका साथ अगाडि बढाउने र कुनै छुट हुन गएका विषयहरुमा सबै वर्ग समुदायको हितलाई ध्यानमा राखि काम गर्ने प्रतिवद्धता जनाएका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर