झोलुङ्गे पुल संरक्षण तथा सामाजिक अभियान
तनहुँको शुक्लागण्डकी नगरपालिका–९ स्थित भ्याली युथ क्लबमा आवद्ध युवाहरु वडा नं. २ र ९ जोड्ने झोलुङ्गे पुलका जालीहरुको मर्मतसम्भार गर्दै । युवाहरूले झोलुङ्गे पुलका जाली मर्मत गरी पुलको सुरक्षा र दीर्घकालीन संरक्षणमा समेत योगदान पुर्याएका छन् । पुल दैनिक रूपमा स्थानीयवासी तथा विद्यार्थीहरूले प्रयोग गर्ने भएकाले यसको नियमित मर्मतसम्भार आवश्यक रहेको क्लबले जनाएको छ । क्लवले समुदायलाई सुरक्षित, सफा र व्यवस्थित बनाउने उद्देश्यका साथ विभिन्न सामाजिक तथा पूर्वाधार संरक्षणका कार्यक्रम सञ्चालन गर्दै आएको छ । क्लबका युवाहरूको सक्रिय सहभागितामा सडकमा परेका साना–साना खाल्टा पुर्ने, सडक सरसफाइ गर्ने, सडक डिभाइडरमा रङ लगाउने कार्य पनि गरेका छन् । तस्विर : भञ्ज्याङ
