जन्मदिनमा क्याम्पसका विद्यार्थीलाई छात्रवृत्ति

लायन्स क्लव अफ तनहुँका अध्यक्ष राजु दाहालले जन्मदिनमा व्यास नगरपालिका-१ स्थित आदिकवि भानुभक्त क्याम्पसका विद्यार्थीलाई छात्रवृत्ति प्रदान गरेका छन् । क्याम्पस सञ्चालक समितिका सदस्य समेत रहेका दाहालले कक्षा १२ मा अध्ययनरत दुइ छात्राका लागि एक वर्षा लागि छात्रवृत्ति प्रदान गरेका हुन् ।

क्याम्पसमा सोमबार एक कार्यक्रमका बीच क्याम्पस छात्रवृत्ति कोषका संयोजक तथा क्याम्पस सञ्चालक समितिका उपाध्यक्ष बुद्धिमान श्रेष्ठलाई दाहालले छात्रवृत्ति बापतको रु ३२ हजार हस्तान्तरण गरेका छन् ।

सो अवसरमा क्याम्पस सञ्चालक समितिका अध्यक्ष ब्रम्हदत्त तिमिल्सिना, पूर्व अध्यक्ष ताराप्रसाद श्रेष्ठ लगायतले जन्मोत्सवमा फजुल खर्च कटौती गरेर समाजप्रति समर्पण गर्ने यस्ता कार्यको सबैले अनुसरण गर्नुपर्ने बताए ।

दाहालले गत वर्ष पनि जन्मदिनको अवसर पारेर छात्रवृत्ति स्वरुप रु २७ हजार सहयोग गरेका थिए । फजुल खर्च गरेर जन्मदिन मनाउनुभन्दा यस्तो कार्यले आफूलाई सन्तुष्टि मिल्ने दाहालले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर