जिल्ला प्रशासन कार्यालय तनहुँले सार्वजनिक बिदाको दिन पनि सेवा प्रवाह गर्ने

जिल्ला प्रशासन कार्यालय तनहुँले सार्वजनिक बिदाका दिन पनि सेवा प्रवाह गर्ने भएको छ । २०८० सालको बैशाख १ देखि चैत मसान्तसम्म सार्वजनिक बिदाको दिनहरुमा समेत केही सार्वजनिक सेवा नियमित रुपमा प्रवाह गर्ने प्रशाशनले निर्णय गरेको हो ।

सार्वजनिक बिदाको दिन भएपनि नागरिकता, राहदानी र राष्ट्रिय परिचयपत्र सम्बन्धी सेवा प्रवाह गरिने प्रमुख जिल्ला अधिकारी छविलाल रिजालले जानकारी दिए ।

वैशाख २२ गते उभौली पर्व तथा बुद्ध जयन्ती, जेठ १५ गते गणतन्त्र दिवस, भदौ १४ गते रक्षाबन्धन, असोज २८ गते घटस्थापना, पुस ९ गते क्रिसमस डे, पुस १० गते उभौली पर्व योमरी-ज्यापु दिवस तथा धान्य पुर्णिमा, पुस १५ गते तमु ल्होसार, पुस २७ गते पृथ्वी जयन्ती, माघ १ गते माघे संक्रान्ति, माघ २७ गते सोनम ल्होसार, फागुन १ गते जनयुद्ध दिवस, फागुन ७ गते राष्ट्रिय प्रजातन्त्र दिवस, फागुन २५ गते महाशिवरात्रि तथा अन्तर्राष्ट्रिय महिला दिवस, फागुन २८ गते ग्याल्पो ल्होसार र इद ऊल फित्र, इद उल अजहा जस्ता सार्वजनिक बिदाहरूमा सार्वजनिक सेवा प्रवाह भइरहने प्रजिअ रिजालले बताएका छन् ।

गुह मन्त्रालय, सिंहदरबार, काठमाडौको मिति २०५९/१२/०२ मा खण्ड ७२ संख्या ६५ नेपाल राजपत्र भाग ५ मा प्रकाशित सूचनामा तोकेका कार्यालयबाट तोकिए बमोजिमको सेवा प्रवाह हुने प्रशासनले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर