एमाले तनहुँले भदौ १८ गते प्रदेशसभा र १९ गते प्रतिनिधिसभा उम्मेदवार सिफारिस गर्ने
भञ्ज्याङ न्यूज
नेपाल कम्युनिष्ट पार्टी (एमाले) तनहुँले प्रतिनिधि सभा र प्रदे सभा सदस्यका लागि उम्मेदवार सिफारिस गर्ने कार्य अगाडि बढाएको छ ।
एमाले तनहुँले मंसिर ४ गते हुने प्रदेशसभा तथा प्रतिनिधिसभा निर्वाचनका लागि भदौ १८ र १९ गते उम्मेदवार सिफारिस गर्ने तयारी गरेको छ ।
पार्टी अध्यक्ष श्रीप्रसाद श्रेष्ठको अध्यक्षतामा बसेको सचिवालय वैठकले उम्मेदवार सिफारिस गरी केन्द्रमा पठाउने निर्णय गरेको हो ।
प्रदेशसभा सदस्य सिफारिसका लागि प्रदेशसभा निर्वाचन समन्वय कमिटीको बैठक वसी भदौ १८ गते प्रदेशसभाका प्रत्यक्ष तथा समानुपातिक उम्मेदवारको नाम सिफारिस गर्ने भएको छ ।
यसरी नाम सिफारिश गर्दा प्रत्यक्षतर्फ कम्तीमा १ जना महिला सहित ३ जनाको नाम र्सवसम्मत सिफारिस गर्नुपर्नेछ ।
यस्तै, प्रतिनिधिसभा क्षेत्रीय निर्वाचन समन्वय कमिटीको बैठक बसी प्रतिनिधिसभा सदस्य प्रत्यक्ष र समानुपातिक तर्फा उम्मेदवारहरुको नाम भदौ १९ गते सिफारिस गर्ने तयारी गरेको अध्यक्ष श्रेष्ठले जानकारी गराए ।
यसरी नाम सिफारिस गर्दा प्रत्यक्षतर्फ १ महिला सहित ३ जनाको नाम सर्वसम्मत सिफारिस गर्नुपर्ने अध्यक्ष श्रेष्ठले बताए ।
क्षेत्रीय समन्वय कमिटीबाट आएको नामलाई भदौ २० गते जिल्ला कमिटीको बैठक बसी प्रदेशमा सिफारिस गरिने एमालेले जनाएको छ ।
