माघे सक्रान्तीको अवसरमा बन्दिपुरको कुकुर्दिमा गोरु जुधाइने

तनहुँको बन्दिपुर गाउँपालिका-२ को कुकुर्दिमा माघे सक्रान्ती अर्थात माघ १ गते गोरु जुधाइने भएको छ । नेपालीहरुको मुख्य पर्वको रुपमा लिइने माघे सक्रान्ती पर्वको अवसरमा माघे सक्रान्ती मेलामा पालिका भित्रका किसानले पालेका गोरु जुधाइने भएको छ ।

बन्दिपुर-२ को नारायण-गोपाल युवा क्लवले कुकुर्दिमा बर्सेनि गोरु जुधाई प्रतियोगिता गर्दै आएको छ । प्रतियोगितामा पहिलो हुने गोरुका धनीले नगद १५ हजार पाउने छन् । भने दोस्रो हुने गोरुका धनीले ७ हजार रुपैयाँ नगद पुरस्कार पाउने क्लवका अध्यक्ष उज्वल गुरुङले बताए ।

माघे सक्रान्ती पर्वको अवसरमा क्लवले आमा समुहका लागि डोरी तान्ने प्रतियोगिता, पुरुषका लागि बाँसको लिंगोबाट भाले टिपाइ प्रतियोगिता र खुल्ला तर्फ घैंटो फुटाइ प्रतियोगिताका साथै विविध साँस्कृतिक कार्यक्रम गरिने क्लवले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर