भानुको होरालो विद्यालयकी रञ्जिलाले ल्याइन् ४ जीपीए
माध्यमिक शिक्षा परीक्षा (एसईई) मा तनहुँबाट एक जना विद्यार्थीले ४ जीपीए ल्याएकी छन् । भानु नगरपालिका–२ स्थित होमराज लोहनी शारदा शिक्षा सदन माध्यमिक विद्यालयकी रञ्जिला क्षेत्रीले ४ जीपीए ल्याएकी हुन् ।
जिल्लामै ४ जीपीए ल्याउने रञ्जिला मात्र एक हुन् । यो विद्यालयबाट ७२ जनाले परीक्षा दिएकोमा २० जना पास भएका छन् ।
परीक्षामा सहभागि ११९ सामुदायिक र ५१ संस्थागत गरी १७० वटा विद्यालयका ५ हजार ३८४ जना विद्यार्थीमध्ये ४२ प्रतिशत पास भएका शिक्षा विकास तथा समन्वय इकाईका प्रमुख उद्दव कट्टेलले बताए ।
