हाजिर जवाफ प्रतियोगितामा सत्यवती मावि प्रथम
भञ्ज्याङ न्यूज
तनहुँको व्यास नगरपालिका-४ बागबजार, दमौली स्थित पराशर माध्यामिक विद्यालयले विहीबार आयोजना गरेको अन्तर विद्यालय हाजिरी जवाफ प्रतियोगितामा व्यास-२ स्थित सत्यवती माध्यमिक विद्यालय प्रथम भएको छ ।
उक्त प्रतियोगितामा व्यास-१३ पोखरी भञ्ज्याङ स्थित जनजागृति माध्यामिक विद्यालय द्धितीय भएको छ भने भानु नगरपालिका-५ मईबल स्थित सरस्वती सदन मावि तृतीय भएको विद्यालय व्यवस्थापन समितिका अध्यक्ष सूर्यचन्द्र हड्कलेले जानकारी गराए ।
प्रतियोगितामा प्रथमलाई आठ हजार, द्धितीयलाई पाँच हजार र तृतीयलाई तीन हजार नगद तथा प्रमाणपत्रद्वारा पुरस्कृत गरिएको पराशर कलेजका प्रमुख अमृत भण्डारीले बताए ।
