रोट्रयाक्ट क्लबद्वारा सेती बुल्दी दोभानमा सरसफाई

रोट्रयाक्ट क्लब अफ दमौलीले रोटा सप्ताह अन्तर्गत सेती बुल्दी दोभान दमौली घाटको सरसफाई गरेको छ । क्लबले आइतबार व्यास-३ स्थित घाट वरपर सरसफाई गरेको हो ।

व्यास नगरपालिकाका प्रमुख वैकुण्ठ न्यौपाने घाट सरसफाईमा सहभागि हुँदै घाट साबैको साझा थलो भएकाले सरसफाईसंगै व्यवस्थित गर्नुपर्नेमा जोड दिए । उनले भने ‘नगरपालिकाले घाटमा पूर्वाधार निर्माणसंगै व्यवस्थापनका लागि सहयोग गर्दै आएको छ । घाट नजिक रहेका चौतारी पनि संरक्षण गर्नुपर्ने आवश्यक देखिको छ ।’

कार्यक्रममा जिल्ला प्रहरी कार्यालय, महिला उद्यमी संघ तनहुँकी अध्यक्ष निर्मला मल्ल, सेती बुल्दी दोभान दमौली घाट व्यवस्थापन समितिका अध्यक्ष ओम बहादुर थापा लगायतका सहकार्य रहेको क्लबका अध्यक्ष विशाल श्रेष्ठले बताए ।

क्लबले रोटा सप्ताह अन्तर्गत यसअघि शिक्षा सम्बन्धी इन्टरयाक्ट, क्लबका विद्यार्थीलाई प्रशिक्षण, ब्यानर परिवर्तन, स्व.सचिन स्मृति रक्तदान लगायतका कार्यक्रम गरिसकेको र रोट्रयाक्ट दिवस र फुटसल कार्यक्रम बाँकी रहेको क्लबका अध्यक्ष श्रेष्ठले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर