गलेखामकोटमा पर्यटन प्रवर्द्धनका लागि पहल

तनहुँको व्यास नगरपालिका-६ स्थित गलेखामकोट पर्यटन प्रबर्द्धनका लागि विविध कार्यक्रम अगाडि ल्याइएको छ । गलेखामकोट भैरवी पर्यटन क्षेत्र विकास समितिले पर्यटन प्रवर्द्धनका कार्यक्रम अगाडि बढाएको छ ।

समितिकै सक्रियतामा केही समय अघि ‘जाम न गलेखाम कोट …..!’ बोलको गीत सार्वजनिक गरेको थियो । काशीनाथ न्यौपानेको शब्द रचना र गायक नवराज थापाको आवाजमा गीत समेत रेकर्ड गरी सार्वजनिक गरिएको हो ।

गलेखामको प्रवर्द्धनका लागि दरबारको संरक्षण गर्ने, सडको स्तरोन्नतीका लागि पहल कदमी गर्ने समितिले निर्णय गरेको छ । यसैबीचे समितिको तेस्रो अधिवशेन हालै सम्पन्न भएको छ । अधिवेशनमा व्यास नगरपालिकाका प्रवक्ता तथा ६ नम्बर वडाध्यक्ष जीवन गुरुङले गलेखामकोटलाई पर्यटकीय गन्तव्यका रुपमा विकास गर्न लागि पर्ने बताएका छन् ।

ऐतिहासिक तथा धार्मिक महत्व बोेकेको व्यास-६ र शुक्लागण्डकी-१ को थप्रेकको सिमानजिकै पर्ने सो कोटलाई व्यास नगरपालिका वडा नम्बर ५ र ६, शुक्लागण्डकीको वडा नं. १ र म्याग्देको मनपाङ क्षेत्र समेतले आफ्नो ठानेर परापूर्वकालदेखि पूजाआजा गर्दै आएका छन् ।

मगर राजाले राज्य गरेका थिए । अन्तिम राजा चक्रधर राना रहेको र तनहुँका सेनवंशका राजासँग आत्मसमर्पण गरेको भनाई छ । पछि सेन वंशले गोरखाका शाह वंशसँग आत्मसमर्पण गरेको इतिहास छ । यो क्षेत्र पर्यटकीय हिसाबले अन्त्यन्त आकर्ष र तनहुँको तेस्रो अग्लो पहाडको रुपमा परिचित छ ।

कार्यबहाक अध्यक्ष बालकुमारी श्रेष्ठको अध्यक्षातामा आयोजित अधिवेशनले वसन्तबहादुर श्रेष्ठको अध्यक्षतामा नयाँ कार्य समिति चयन गरेको छ भने उपाध्यक्षमा मुनिराज गुरुङ, सचिव डा. विद्युत केशरी न्यौपाने, कोषाध्यक्षमा मनिता गुरुङ चयन भएका छन् भने १३ जना सदस्य चयन गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर