पृथ्वीराजमार्ग विस्तार : दमौली खण्डको घरटहरा हटाएर सहयोग गर्न व्यासको आग्रह

भञ्ज्याङन्यूज

तनहुँको व्यास नगरपालिकाले पृथ्वीराजमार्ग अन्तर्गत दमौली बजारमा चैत महिनाभित्र घरटहरा भत्काएर सहयोग गरिदिन आग्रह गरेको छ ।

केही घरधनीहरु सर्म्पर्कमा नआएका, केही घरधनीहरुले मुआब्जाको पहिलो किस्ता बुझेर पनि संरचना हटाउन ढिलाइ गरेकाले चैत महिनाभित्रै त्यस्ता संरचना हटाउन नगरपालिकाले आग्रह गरेको हो ।

नगरप्रमुख वैकुण्ठ न्यौपानेले सोमबार विज्ञप्ती जारी गरी केही महिनापछि वर्षा लाग्ने भएकाले सडक निर्माण कार्यलाई तीव्रता दिइ शहरको सौन्दर्यता र धुलाले वातावरणमा पुर्‍याएको असरलाई कम गर्न सबै सरोकारवाला घरधनीहरुलाई यही महिनाभित्र आयोजनामा सम्पर्क गरी मुआब्जा रकम बुझिदिन आग्रह गरेका छन् ।

‘मुख्य बजार खण्डमा घरटहरा नभत्काउँदा काममा ढिलाइ भइरहेको छ’, उनले भने, ‘सडक विस्तार, विद्युत पोल स्थानान्तरण कार्यमा सहयोग गरिदिनुहुनेछ भन्नेमा नगरपालिका विश्वस्त छ ।’

दमौली बजार अन्तर्गत वडा नम्बर २ र ४ का केही घरहरुले सडक अधिकार क्षेत्रका संरचनाहरु हटाइ सहयोग गरेकामा नगरपालिकाले धन्यवाद ज्ञापन गरेको छ ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

छुटाउनुभयो कि?

Close
Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker