श्रीमतीको हत्या आरोपमा श्रीमान पक्राउ
श्रीमतीको हत्या गरेको आरोपमा तनहुँको भानु नगरपालिका–८ गैरीफाँटमा ४२ वर्षीय ओमनारायण श्रेष्ठलाई प्रहरीले पक्राउ गरेको छ ।
श्रेष्ठले बिहीबार ३९ वर्षीय श्रीमती प्रतिक्षा श्रेष्ठलाई बन्चरो प्रहार गरी हत्या गरेको बताइएको छ ।
बन्चरोको प्रहारबाट घाइते श्रेष्ठलाई उपचारका लागि दमौली अस्पताल ल्याइएकामा चिकित्सकले मृत घोषणा गरेको जिल्ला प्रहरी कार्यालय तनहुँका प्रहरी नायब उपरिक्षक अशोक थापाले जानकारी दिए ।
हत्या अभियुक्त श्रीमानलाई प्रहरीले नियन्त्रणमा लिएको उनले बताए । घटनाका सम्बन्धमा थप अनुसन्धान भइरहेको छ । घरायसी झैझगडाका कारण घटना भएको प्रारम्भिक अनुसन्धानबाट खुलेको छ ।
