तनहुँमा कोरोना संक्रमणबाट १४९ जनाले ज्यान गुमाए, जिल्लामा ७५ जना सक्रिय संक्रमित
भञ्ज्याङ न्यूज
कोरोना संक्रमणबाट तनहुँमा १४९ जनाको मृत्य भएको छ । जिल्लामा पहिलो लहरको कोरोना संक्रमणबाट २५ जनाको मृत्यु भएको छ भने दोश्रो लहरको कोरोना संक्रमणबाट १२४ जनाको मृत्यु भएको स्वास्थ्य कार्यालय तनहुँले जनाएको छ । स्वास्थ्य कार्यालय तनहुँका अनुसार कोरोना संक्रमणबाट जिल्लामा पुरुष ९२ र महिला ५७ जनाले ज्यान गुमाएका छन् ।
यस्तै, तनहुँमा अझै पनि ७५ जना सक्रिय संक्रमित रहेको स्वास्थ्य कार्यालय तनहुँले जनाएको छ । महिला ३६ र पुरुष ३९ जनामा संक्रमण संक्रमित छन् । सबै भन्दा बढी व्यास नगरपालिकामा तीस जना रहेका छन् । त्यसैगरी शुक्लागण्डकी नगरपालिकामा १९, भिमाद नगरपालिकामा ९, म्याग्दे गाउँपालिकमा ७, भानु नगरपालिकामा पाँच, देवघाटमा तीन, बन्दिपुरमा दुइ र आँबुखैरेनी/ऋषिङमा एक/एक जना सक्रिय संक्रमित छन् ।
जिल्लाको दश वटा पालिकामध्ये घिरिङ गाउँपालिकामा शुन्य दर रहेको स्वास्थ्य कार्यालय तनहुँका प्रमुख शंकरबाबु अधिकारीले बताए । त्यसैगरी दमौली अस्पताल र जिपी कोइराला श्वास प्रश्वास उपचार केन्द्रमा पनि कोरोना संक्रमण दर शुन्य रहेको छ । कोरोना संक्रमण दर कमी हुँदै गएपनि स्वास्थ्य मापदण्ड अपनाएर सुरक्षित रहन स्वास्थ्य कार्यालयले र्सवसाधारणलाई अनुरोध गरेको छ ।
