स्कुल स्वीटर अभियान मार्फत विपन्न बालबालिकालाई सहयोग
दमौली : स्कुल स्वीटर अभियान मार्फत विपन्न बालबालिकालाई स्वीटर सहयोग गरिएको छ । तनहुँको व्यास नगरपालिका–१२ छाब्दीका अविनाश पन्थ र दिवस पन्थको नेतृत्वमा सञ्चालित ‘स्कुल स्वीटर अभियान’ अन्तर्गत आर्थिक रुपमा कमजोर बालबालिकालाई सहयोग गरिएको हो ।
अभियानका क्रममा व्यास–१३ स्थित जनजागृति माध्यमिक विद्यालयमा अध्ययनरत २६ जना बालबालिकालाई जाडोमा लगाउनका लागि विद्यालयको स्वीटर प्रदान गरिएको छ ।
यस सहयोग कार्यको प्रशंसा गर्दै व्यास–१३ का कार्यवाहक वडा अध्यक्ष हरिचन्द्र पन्थले अभियानका नेतृत्वकर्ताहरूलाई विद्यालयमा सम्मान गरेका थिए । सामाजिक उत्तरदायित्व वहन गर्दै गरिएको यो अभियानले विपन्न बालबालिकालाई ठूलो राहत पुगेको छ ।
