रास्वपा शुक्लागण्डकी नगर सभापतिमा खड्का
दुलेगौंडा : राष्ट्रिय स्वतन्त्र पार्टी शुक्लागण्डकी नगर समितिको सभापतिमा हरिबहादुर खड्का चयन भएका छन् । शनिबार बेलचौतारामा आयोजित पार्टीको नगर भेलाले खड्काको अध्यक्षतामा नगर समिति चयन गरेको हो ।
समितिको उपसभापतिमा राजकुमार भण्डारी (विज्ञान), सचिवमा राजेश पाण्डे, सहसचिवमा तोपबहादुर महत, कोषाध्यक्षमा सुस्मिता खड्का महत र सदस्यहरुमा पदमराज भुषाल, बबिता केसी खड्का, शालिकराम लामिछाने, दिनेश महत, कृष्ण बहादुर राना चयन भएका छन् ।
उक्त भेलामा रास्वपा तनहुँका सभापति विश्व बास्तोला, रास्वपाका नेता विकास सिग्देल लगायतले पार्टीले लिएको नीति, सिद्धान्ताका विषयमा प्रष्टाएका थिए ।
