देवघाटको मधुवनलाई गणेशमान सिंह सामुदायिक वन राष्ट्रिय पुरस्कार
देवघाट : तनहुँको देवघाट गाउँपालिका–५ स्थित मधुवन सामुदायिक वन उपभोक्ता समूहले यस वर्षको गणेशमान सिंह सामुदायिक वन राष्ट्रिय पुरस्कारका लागि छनोट भएको छ ।
वन मन्त्रालयले तयार गरेको विभिन्न मापदण्डका आधारमा मधुवन सामुदायिक वनलाई दोस्रो स्थानका लागि छनोट गरेको डिभिजन वन कार्यालय तनहुँका सहायक वन अधिकृत काशीराज पण्डितले जानकारी दिए ।
सरकारले प्रत्येक वर्ष वन क्षेत्रको संरक्षण र विकासमा विशेष योगदान पु¥याउने सामुदायिक वनहरूलाई सम्मान गर्दै आएको छ । यसपटक मधुवन सामुदायिक वनले आफ्नो प्रभावकारी व्यवस्थापन, वन संरक्षणमा सक्रियता र सामुदायिक सहभागिताका कारण राष्ट्रिय स्तरको पुरस्कार पाउने भएको पण्डितले जानकारी गराए ।
