पूर्व भूमिसुधार मन्त्री भिमप्रसाद गौतमको निधन
भञ्ज्याङ समाचारदाता, तनहुँ
पूर्व भूमिसुधार मन्त्री एवं जनता समाजवादी पार्टीका सल्लाहकार समितिका अध्यक्ष भिमप्रसाद गौतमको बिहिबार बिहान २:३० बजे निधन भएको छ । केही समयदेखि अस्वस्थ्य गौतमको बन्दीपुर गाउ“पालिका-१ पिप्लेस्थित आफ्नै निवासमा निधन भएको हो ।
विगत केही समयदेखि विरामी परेका गौतमलाई निमोनिया भएको थियो । चितवनस्थित अस्पतलामा उपचार भई सामान्य अवस्थामा घर फर्किएका थिए । गौतमको निधनले एक राष्ट्रबादी तथा विकासप्रेमी व्यक्तित्व गुमाउनुपरेको बन्दिपुर-१ का वडाध्यक्ष भानुभक्त पोख्ररेलले बताए ।
गौतमको जिल्लाको पवित्र धार्मिकस्थल देवघाटमा अन्त्येष्ठी गरिने परिवार श्रोतले जनाएको छ ।
