कच्ची सडकमा ट्याक्टर दुर्घटना हुँदा एकको मृत्यु
- भञ्ज्याङ समाचारदाता (दमौली)
तनहुँको आँबुखैरेनी गाउँपालिका-२ ल्युतपाखास्थित कच्ची सडकमा ट्याक्टर दुर्घटनामा पर्दा एक यात्रुको घटनास्थलमै ज्यान गएको छ । प्रहरीका अनुसार ज्यान जानेमा आँबुखैरेनी-२ अदुवाखर्कका ४० वर्षीय केशव दर्लामी रहेको तनहुँ प्रहरीले जनाएको छ ।
छिम्केश्वरी आँबुखैरेनी कच्ची सडकमा छिम्केश्वरीबाट आँबुखैरेनी जाँदै गरेको ग१त ३७७० नम्बरको ट्याक्टर अनियन्त्रित हुँदा दुर्घटना भएको प्रहरीले जनाएको छ । घटनामा परी तीन जना यात्रु घाइते भएका छन् । एक जना घाइतेलाई थप उपचारका लागि पुरानो मेडिकल कलेज चितवन रिफर गरिएको प्रहरीले जनाएको छ ।
