तनहुँको मुसेखोलामा ट्रक दुर्घटना हुँदा चालकको मृत्यु, एक घाइते
भञ्ज्याङ न्यूज
पृथ्वी राजमार्ग अन्तर्गत तनहुँको मुसेखोलामा ट्रक दुर्घटना हुँदा एक जनाको मृत्यु भएको छ भने एक जना घाइते भएका छन् ।
राती करिब साढे १२ बजे डुम्रेबाट दमौली तर्फ आउँदै गरेको ना ७ ख ९२३७ नम्बरको ट्रक अनियन्त्रित भई सडकबाट १० मिटर तल खसेको तनहुँ प्रहरीले जनाएको छ ।
सवारमध्ये ठेगाना नखुलेको अन्दाजी २९ वर्षका ट्रक चालकको मृत्यु भएको छ भने नवलपुर, कावासोतीका १४ वर्षका राजकुमार बिक घाइते भएका छन् । घाइतेको सामान्य अवस्थामा दमौली रत्नहरी अस्पतालमा उपचार भईरहेको छ ।
