फोहरमैला व्यवस्थापन अध्ययनका लागि व्यासका प्रतिनिधि वालिङमा
भञ्ज्याङ न्यूज
तनहुँको व्यास नगरपालिकाका जनप्रतिनिधि एवं कर्मचारी फोहरमैला व्यवस्थापनको अवलोकनका लागि स्याङ्जाको वालिङ र भिरकोट नगरपालिका पुगेका छन् । ल्याण्डफिल्ड साइडको समस्या भोग्दै आएको व्यासले फोहरमैला व्यवस्थापनका लागि वालिङ र भिरकोट नगरपालिकाको मंगलबार अध्ययन गरेको हो ।
नगरप्रमुख वैकुण्ठ न्यौपानेको नेतृत्वमा पुगेको टोलीले फोहरमैला रिसाइक्लिङ केन्द्र र टि्रटमेन्टर सेन्टरको अवलोकन गरेको थियो। सो अवसरमा फोहरमैला व्यवस्थापनको चुनौति एवं कार्यान्वयन प्रकृयाको बारेमा छलफल भएको व्यास नगरपालिकाका सूचना प्रविधि अधिकृत विशाल पण्डितले जानकारी दिए ।
अध्ययन टोलीमा उपप्रमुख मीरा जोशी, प्रमुख प्रशासकीय अधिकृत डिल्लीराम सिग्देल, नगरको बजार क्षेत्रका वडाध्यक्षहरु, कर्मचारी सहभागी छन् ।
