भिमाद नगरपालिकाले भानुमतीमा सेवा केन्द्र स्थापना, हप्ताको दुई सेवा प्रवाह
भिमाद : तनहुँको भिमाद नगरपालिकाले नागरिकलाई सहज रुपमा सेवा प्रवाह गर्ने उद्देश्यले सेवा केन्द्र स्थापना गरेको छ । नगरपालिकाले वडा नम्बर ८ को भानुमतीमा सेवा केन्द्र स्थापना गरेको हो ।
सेवा केन्द्रको शुभारम्भ गर्दै भिमाद नगरपालिकाका प्रमुख दधिराज सुवेदीले नागरिकलाई छिटो छरितो र सहज रुपमा सेवा प्रवाह गर्ने उद्देश्यले सेवा केन्द्र स्थापना गरिएको बताए । उनले भने, ‘साताको दुई दिन बिहीबार र शुक्रबार सेवा केन्द्रबाट नागरिकलाई सेवा उपलब्ध गराउने व्यवस्था मिलाउँछौं ।’
कार्यक्रममा वडा नम्बर ८ का वडा अध्यक्ष अणबहादुर शाहीले सर्वसाधारणलाई सरल र सहज रूपमा सेवा प्रवाह गर्न सेवा केन्द्र स्थापना गरिएको हुँदा अब यस क्षेत्रका बासिन्दाले सहज रुपमा यहीबाट नगरपालिकाको समेत सेवा लिन पाउनुहुनेछ ।
