करेन्ट लागेर मृत्यु भएका बृद्वको परिवारलाई राहत

तनहुँको ऋषिङ गाउँपालिका-८ मा करेन्ट लागेर मृत्यु भएका एक बृद्धको परिवारलाई मंगलबार नेपाल विद्युत प्राधिकरण तनहुँले राहत प्रदान गरेको छ । ऋषिङ्ग-८ निवासी ७२ बर्षीय दल बहादुर रानाको करेन्ट लागेर मृत्यु भएपछि उनको परिवारलाई काजक्रिया बापत रकम उपलव्ध गराइएको हो ।

सोही वडाको अजम्बरी सल्लाघारी बनमा दाउरा खोज्न जाने क्रममा करेन्ट लागेर रानाको मृत्यु भएको थियो । प्राधिकरणको लापरबाहीका कारण बृद्धको करेन्ट लागेर मृत्यु भएपछि निजका परिवारलाई बीस हजार रुपैयाँ उपलव्ध गराइएको छ ।

नेपाल बिद्युत प्राधिकरण भिमादका प्रमुख तुल बहादुर नगरकोटी मार्फत उक्त रकम उपलब्ध गराइएको छ । उक्त रकम नेपाल रेडक्रस सोसाइटीका जिल्ला सदस्य महेन्द्र कुमार श्रेष्ठ, नेरेसो ऋषिङ्गमा सभापती रमेश कुमार श्रेष्ठ, ऋषिङ गाउँपालिका योजना शाखाका प्रमुख दानबहादुर श्रेष्ठ लगायतको उपस्थितमा हस्तान्तरण गरिएको छ । प्राधिकरणले मृत्यु भएकाका परिवारलाई उचित क्षतिपूर्तिका लागि आवश्यक प्रक्रिया अघि बर्ढाई नियम अनुसार उपलव्ध गराउन जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर