व्यास नगरपालिकाको प्रमुखमा नेकपा एसबाट चार जनाको नाम सिफारिस

नेकपा एकीकृत समाजवादीले व्यास नगरपालिकाको प्रमुख उम्मेदवारका रुपमा चार जनाको नाम सिफारिस गरेको छ । पार्टीको व्यास नगर कमिटीको सोमबार बसेको बैठकले पार्टी जिल्ला अध्यक्ष शंकरनारायण श्रेष्ठ, सचिव श्रीराम कार्की, व्यास-४ का वडाध्यक्ष विश्वराज न्यौपाने र दिननाथ लम्सालको नाम सिफारिस गरेको हो ।

पार्टी व्यास नगर अध्यक्ष मंगलप्रसाद श्रेष्ठद्वारा जारी विज्ञप्तिमा पार्टीका तर्फबाट नगर उपप्रमुखमा मनुमाया श्रेष्ठ, कला पुन र विष्णु खड्काको नाम सिफारिस गरिएको उल्लेख छ । पार्टीले १४ वटै वडामा वडाध्यक्षका उम्मेदवार सिफारिस गरेको छ ।

व्यास-१ को वडाध्यक्षमा दिपबहादुर श्रेष्ठ र श्रीप्रसाद न्यौपाने, व्यास-२ को वडाध्यक्षमा श्रीप्रसाद भट्टराइ र हरि कार्की, व्यास-३ को वडाध्यक्षमा मंगलप्रसाद श्रेष्ठ तथा व्यास-४ को वडाध्यक्षमा विष्णुप्रसाद दुरालाई पार्टीले सिफारिस गरेको छ ।

यसैगरी, व्यास-५ को वडाध्यक्षमा रामलाल श्रेष्ठ र कृष्ण पुन, व्यास-६ मा लाल बहादुर पन्थ, व्यास-७ मा किनलाल श्रेष्ठ, मधु श्रेष्ठ, व्यास-८ मा राम बहादुर केसी, व्यास-९ मा विष्णु बहादुर अधिकारी, राजु आचार्य, सूर्य बहादुर भण्डारी, कल्याण अधिकारी, व्यास-१० मा हिर परियार, हिरामान परियार, व्यास-११ मा रनसिंह नेपाली, सोम बहादुर गुरुङ, झलकराम पौडेल, कल्पना नेपाली, बेलकुमारी अधिकारी, व्यास-१२ मा बद्रीनाथ तिवारी, मिठ बहादुर खत्री, व्यास-१३ तिर्थ बहादुर आले र व्यास १४ मा हेम बहादुर थापा, ज्ञान बहादुर थापा, थान बहादुर थापा (प्रेम)को नाम पार्टीले सिफारिस गरेको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर