स्थानीय तह सदस्य निर्वाचन २०७९ : तनहुँका सात पालिका र ५९ वडाको मतपरिणाम सार्वजनिक (सूचितसहित)
भञ्ज्याङ समाचारदाता/दमौली
स्थानीय तह सदस्य निर्वाचनका लागि गत वैशाख ३० गते भएको मतदानको नतिजा सार्वजनिक हुने क्रममा जारी छ । तनहुँको ४ नगरपालिका र ६ गाउँपालिका मध्य हालसम्म १ नगरपालिका र ६ गाउँपालिकाको नतिजा सार्वजनिक भइसकेको छ । सार्वजनिक नतिजा अनुसार तनहुँको भिमाद नगरपालिकाको प्रमुख, उपप्रमुख, घिरिङ गाउँपालिकाको अध्यक्ष, उपाध्यक्ष, म्याग्दे गाउँपालिकाको अध्यक्ष, बन्दिपुर गाउँपालिकाको अध्यक्ष पदमा नेकपा एमालेका उम्मेदवार निर्वाचित भएका छन् ।
देवघाट गाउँपालिकाको अध्यक्ष, म्याग्दे गाउँपालिकाको उपाध्यक्ष, बन्दिपुर गाउँपालिकाको उपाध्यक्ष र ऋषिङ गाउँपालिकाको उपाध्यक्ष पदमा नेपाली कांग्रेसका उम्मेदवार निर्वाचित भएका छन् । यस्तै, आँवुखैरेनी गाउँपालिकाको अध्यक्ष, उपाध्यक्ष र देवघाट गाउँपालिकाको उपाध्यक्ष पदमा नेकापा माओवादी केन्द्रका उम्मेदवार निर्वाचित भएका छन् ।
यो समाचार तयार पार्दसम्म जिल्लाका ८५ वडा मध्ये ५८ वडाको मतपरिणाम सार्वजनिक भएका छन् । सार्वजनिक मत परिणाम अनुसार २८ वडामा नेपाली कांग्रेसका उम्मेदवार, २१ वडामा नेकपा एमालेका उम्मेदवार, ६ वडामा नेकपा माओवादी केन्द्रका उम्मेदवार र ३ वडामा स्वतन्त्र उम्मेदवार वडाध्यक्षमा निर्वाचित भएका छन् । यस्तै, जिल्लाको व्यास नगरपालिकाको वडा नं. ८ रिस्ती स्थित दुइ मतदान केन्द्रको निरीक्षणका क्रममा मेयर पदका स्वतन्त्र उम्मेदवार माथी आक्रमण भएपछि उक्त दुइ केन्द्रको निर्वाचन स्थगित भएका कारण मतगणना कार्य हुन सकेको छैन । जेठ ४ गते उक्त केन्द्रमा पुनः मतदान गरी मतगणनाकार्य अगाडि बडाउने तयारी गरिएको मुख्य निर्वाचन अधिकृत हरिश्चन्द्र ढुंगानाले जानकारी गराए ।
तनहुँको भानु र शुक्लागण्डकी नगरपालिकामा मतगणना कार्य जारी रहेको छ । मतगणनाको प्रारम्भिक मतपरिणाम अनुसार भानु नगरपालिकाको प्रमुख र उपप्रमुख पदमा नेपाली कांग्रेसका उम्मेदवारले अग्रता लिइरहेका छन् भने नेकपा एमाले, माओवादी केन्द्र र समाजवादीका उम्मेदवारले पछ्याइरहेका छन् । शुक्लागण्डकी नगरपालिकाको प्रमुख पदमा गठबन्धनबाट नेपाली कांग्रेसको अग्रता लिइरहेका छन् भने उनलाई नेकपा एमालेका उम्मेदवारले पछ्याइरहेका छन् । नगर उपप्रमुख पदमा एमालेका उम्मेदवारको अग्रता रहेको छ भने गठबन्धनबाट नेकपा माओवादी केन्द्रका उम्मेदवारले पछ्याई रहेका छन् ।
भिमाद नगरपालिका
तनहुँको भिमाद नगरपालिकामा गठबन्धनका उम्मेदवारलाई पराजित गर्दै प्रमुख र उपप्रमुख पदमा बहुमत वडा सहित एमालेले विजय हासिल गरेको छ । नगरप्रमुखमा दधिराज सुवेदी आठ हजार १२८ मत प्राप्त गरी विजयी भएका छन् भने, उनका प्रतिस्पर्धी गठबन्धनका तर्फबाट नेकपा (एकीकृत समाजवादी)का काजीमान श्रेष्ठले पाँच हजार ८५७ मत प्राप्त गरेका छन् ।
नगरपालिकाको उपप्रमुखमा एमालेकै शारदा खनाल सात हजार ६६७ मत प्राप्त गरी विजयी भएकी छन् भने, उनिका प्रतिस्पर्धी गठबन्धनका तर्फबाट नेपाली कांग्रेसका मिलन आलेले सात हजार २०५ मत प्राप्त गरेका छन् ।
भिमाद नगरपालिकाको कूल २४ हजार ८८४ मतदाता रहेकोमा निर्वाचनमा १६ हजार १४९ मत खसेको थियो । भिमाद नगरपालिका-२, ३, ७, ८ र ९ वडा एमालेले जितेको छ भने १, ४, ५, ६ कांग्रेसले जितेको छ । वडा नं. १ मा कांग्रेसका दिपक आले (१०५९), २ मा एमालेका दिनेशकुमार थापा (१५६१), ३ मा एमालेका पदमबहादुर सेन ठकुरी (६३१), ४ मा कांग्रेसका रामकृष्ण राना (९२१), ५ मा कांग्रेसका पदमबहादुर थापा (११०६), ६ मा कांग्रेसका श्यामसुन्दर जोशी (१०१४), ७ मा एमालेका प्रकाश श्रेष्ठ (८४२), ८ मा एमालेका अण बहादुर शाही (८१४) र ९ मा एमालेका रनबहादुर थापा -१०४०) निर्वाचित भएका छन् ।
बन्दिपुर गाउँपालिका
तनहुँको बन्दिपुर गाउँपालिकाको अध्यक्षमा नेकपा एमाले र उपाध्यक्षमा नेपाली कांग्रेसका उम्मेदवार विजयी भएका छन् । गाउँपालिकाको अध्यक्षमा एमालेका सुरेन्द्र थापा र उपाध्यक्षमा नेपाली कांग्रेसका पञ्चमाया गुरुङ विजयी भएकी छन् । अध्यक्षमा ६३ र उपाध्यक्षमा दुइ मतको अन्तर परेको छ ।
अध्यक्षमा निर्वाचित थापाले तीन हजार २२९ मत प्राप्त गरेका छन् भने उनका प्रतिस्पर्धी नेकपा (माओवादी) केन्द्रका पूर्णसिं थापाले तीन हजार १६६ मत प्राप्त गरेका छन् । उपाध्यक्षमा निर्वाचित गुरुङले तीन हजार २७ मत प्राप्त गरिन् भने उनकी प्रतिस्पर्धी नेकपा (माओवादी) केन्द्रका करुणा गुरुङले तीन हजार २५ मत प्राप्त गरेकी छन् । माओवादी केन्द्रका उम्मेदवार थापा र गुरुङ निवर्तमान अध्यक्ष र उपाध्यक्ष हुन् ।
कूल १५ हजार ६३८ मतदातामध्ये निर्वाचनमा १० हजार २०५ मत खसेको बन्दिपुरको छ वटा वडा मध्ये नेकपा एमालेले तीन, नेकपा माओवादी केन्द्रले दुइ र नेपाली कांग्रेसले एक वडा जितेको छ । एमालेले वडा नम्बर १, ४ र ६, नेकपा माओवादी केन्द्रले २ र ५, कांग्रेसले ३ नम्बर वडा जितेको छ ।
वडा नं. १ मा एमालेका शिवकुमार श्रेष्ठ (९०९), २ मा माओवादीका तिलकबहादुर कुंवर (६५३), ३ मा कांग्रेसका परमेश्वर भट्टराइ (४०५), ४ मा एमालेका दान बहादुर थापा (७४०), ५ मा माओवादीका ध्रुवप्रसाद लामिछाने (६९१) र ६ मा एमालेका बलबहादुर गुरुङ (५४५) वडाध्यक्षमा निर्वाचित भएका छन् ।
आँबुखैरेनी गाउँपालिका
तनहुँको आँबुखैरेनी गाउँपालिकाको अध्यक्ष र उपाध्यक्षमा नेकपा (माओवादी) केन्द्रका उम्मेदवार विजयी भएका छन् । गाउँपालिकाको अध्यक्षमा शुक्र चुमान र उपाध्यक्षमा दुर्गा अर्याल विजयी भएको निर्वाचन अधिकृतको कार्यालयले जनाएको छ । अध्यक्ष पदमा निर्वाचित चुमानले तीन हजार ९४० मत प्राप्त गरी विजयी भएका छन् भने उनका प्रतिस्पर्धी नेपाली कांग्रेसका गिरबहादुर थापाले दुइ हजार २३० मत प्राप्त गरेका छन् । थापा निवर्तमान अध्यक्ष हुन् ।
यस्तै, गाउँपालिकाको उपाध्यक्षमा अर्यालले दुइ हजार ८४८ मत प्राप्त गरी विजयी भएकी छन् । उनका प्रतिस्पर्धी नेपाली कांग्रेसकी पवित्रा गौलीले दुइ हजार १८३ मत प्राप्त गरेकी छन् । १३ हजार ६३१ मतदाता रहेकोमा निर्वाचनमा ९ हजार २७८ मत खसेको आँवुखैरेनीको छ वटा वडामा नेकपा माओवादीले तीन, नेपाली कांग्रेसले दुइ र नेकपा -एमाले)ले एक वडा जितेको छ । माओवादीले वडा नम्बर १, २ र ५, नेपाली कांग्रेसले वडा नम्बर ३ र ४ र नेकपा एमालेले वडा नम्बर ६ मा विजयी भएको छ ।
वडा नं. १ मा माओवादीका प्रेमबहादुर गुरुङ (८५१), २ मा माओवादी आश बहादुर गुरुङ (६६७), ३ मा कांग्रेसका दिनेश केसी (१००८), ४ कांग्रेसका मिलन भुजेल (४३३), ५ मा माओवादीका सन्तोष गुरुङ (२८८), ६ मा एमालेका दिलीप गुरुङ (३९०) वडाध्यक्षमा निर्वाचित भएका छन् ।
म्याग्दे गाउँपालिका
तनहुँको म्याग्दे गाउँपालिकाको अध्यक्षमा नेकपा एमालेबाट श्रीप्रसाद श्रेष्ठले ४ हजार ९५० मत र उपाध्यक्षमा नेपाली कांग्रेसबाट बालकृष्ण घिमिरेले ५ हजार ३९ मत प्राप्त गरी निर्वाचित भएका छन् । उनीहरुका प्रतिस्पर्धी कांग्रेसबाट अध्यक्षका उम्मेद्वार मायादेवी राना आलेले ४ हजार २३२ मत र एमालेबाट उपाध्यक्षका उम्मेद्वार रत्नदेवी घिमिरेले ४ हजार २०० मत प्राप्त गरेका थिए ।
पराजित अध्यक्ष उम्मेदवार मायादेवी म्याग्दे गाउँपालिकाकी निवर्तमान अध्यक्ष र बालकृष्ण निवर्तमान उपाध्यक्ष हुन् । यस्तै, गाउँपालिका अध्यक्षमा माओवादी केन्द्रका उम्मेद्वार डिलबहादुर नेपालीले ९३१ र उपाध्यक्षमा उठेकी जमुना अधिकारीले एक हजार ४२ मत प्राप्त गरेका थिए ।
गाउँपालिकाको कुल १८ हजार १०५ मतदाता रहेकामा ११ हजार ९४३ मत खसेको थियो । म्याग्देमा नेकपा एमालेले तीन वडा र कांग्रेसले चार वटा वडामा वडाध्यक्ष जितेका छन् । वडा नम्बर १ मा एमालेका मणिभद्र वाग्ले (६९९), वडा नम्बर २ मा कांग्रेसका शिवबहादुर क्षेत्री (८८९), वडा नम्बर ३ मा एमालेका टुकराज अधिकारी (६६१), वडा नम्बर ४ मा कांग्रेसका दीपककुमार श्रेष्ठ (१०३८), वडा नम्बर ५ मा कांग्रेसका शिवबहादुर आले (५७८), वडा नम्बर ६ मा कांग्रेसका हिरालाल गुरुङ (७४२) र वडा नम्बर ७ मा एमालेका उम्मेद्वार वसन्त कुमार श्रेष्ठ (७२२) वडाध्यक्षमा निर्वाचित भएका छन् ।
देवघाट गाउँपालिका
देवघाट गाउँपालिका गठबन्धनबाट अध्यक्षमा नेपाली कांग्रेसका तिलबहादुर थापाले ४ हजार ३०६ मत र उपाध्यक्षमा नेकपा माओवादी केन्द्रका भुवनसिं गुरुङले ३ हजार ७२१ मत प्राप्त गरी विजयी भएका छन् । उनीहरुका प्रतिस्पर्धी नेकपा एमालेबाट अध्यक्षमा दुर्गबहादुर थापाले ३ हजार ४८३ मत र उपाध्यक्षमा सावित्री न्यौपानेले ३ हजार ४६७ मत पाएका थिए । एमालेका उम्मेदवार दुर्गबहादुर निवर्तमान अध्यक्ष हुन् ।
१२ हजार ८१५ मतदाता रहेकोमा निर्वाचनमा ८ हजार ६४७ मत खसेको देवघाटमा एमालेले २ वटा वडाध्यक्ष र कांग्रेसले ३ वटा वडाध्यक्ष जितेको छ । देवघाटको वडा नं. १ मा एमालेका मनिराज गुरुङ (८९८), देवघाट-२ मा कांग्रेसका मीनबहादुर राना (८५८), देवघाट-३ मा कांग्रेसका टेकबहादुर आले (५०४), देवघाट-४ मा एमालेका मित्रलाल गुरुङ (४१२) र देवघाट-५ मा कांग्रेसका पूर्णबहादुर गुरुङ (७२२) वडाध्यक्ष पदमा निर्वाचित भएका छन् । १२ हजार ८१५ मतदाता रहेको देवघाटमा शुक्रबार सम्पन्न मतदानमा ८ हजार ६४७ मत खसेको निर्वाचन अधिकृत थमनसिंह थापाले बताए ।
घिरिङ गाउँपालिका
सत्तारुढ दलको गठबन्धनका उम्मेद्वारलाई पराजित गर्दै तनहुँको घिरिङ गाउँपालिकाको अध्यक्ष र उपाध्यक्षमा नेकपा एमालेका उम्मेदवार निर्वाचित भएका छन् । गाउँपालिकाको अध्यक्षमा होमबहादुर थापाले ४ हजार ३३१ मत र उपाध्यक्षमा राधादेवी अधिकारीले ४ हजार ४८१ मत प्राप्त गरी निर्वाचित भएका हुन् ।
घिरिङमा गठबन्धन दलबाट कांग्रेसका अध्यक्षका उम्मेद्वार गंगाराम कुमालले ३ हजार ५५४ मत र नेकपा एकीकृत समाजवादीबाट उपाध्यक्षका उम्मेद्वार पूर्णबहादुर थापाले २ हजार ७४७ मत प्राप्त गरेका छन् ।
१४ हजार ६७६ मतदाता रहेकोमा निर्वाचनमा ८ हजार ७१८ मत खसेको घिरिङमा एमालेले ३ वटा वडाध्यक्ष र कांग्रेसले २ वटा वडाध्यक्ष जितेका छन् । २०७४ सालको स्थानीय निर्वाचनमा पनि नेकपा एमालेले यस गाउँपालिकाको अध्यक्ष र उपाध्यक्षमा निर्वाचित भएको थियो।
घिरिङको वडा नं. १ कांग्रेसबाट रविन्द्र घोरासिनी (११२८), वडा नं. २ मा एमालेबाट नरबहादुर थापा (१०१७), वडा नं. ३ मा एमालेका तहलसिं थापा (८४१), वडा नं. ४ मा एमालेका भिमबहादुर कुमाल (८४१) र वडा नं. ५ मा कांग्रेसबाट विष्णुवीर आले (८९०) वडाध्यक्ष पदमा निर्वाचित भएका छन् ।
ऋषिङमा गाउँपालिका
तनहुँको ऋषिङ गाउँपालिकाको अध्यक्ष र उपाध्यक्षमा नेपाली कांग्रेसका उम्मेदवार निर्वाचित भएका छन् । गाउँपालिकाको अध्यक्षतमा राजेन्द्रकृष्ण श्रेष्ठ र उपाध्यक्षमा गिनु थापा निर्वाचित भएका हुन् । वि.सं. २०७४ सालको स्थानीय तह निर्वाचनमा दुबै जना निर्वाचित भएका थिए । अध्यक्षका उम्मेद्वार श्रेष्ठले तीन हजार ३३५ मत प्राप्त गरी विजयी भएका छन् भने उनका प्रतिस्पर्धी नेकपा एमालेका उम्मेदवार हरिराज कँडेलले दुइ हजार ७९२ र स्वतन्त्र उम्मेदवार श्रीराम थापाले पुतली चिन्हबाट तीन हजार ३३ मत प्राप्त गरेका थिए ।
यस्तै, उपाध्यक्ष पदमा ४ हजार ४२९ मत प्राप्त गरी पुनः गिनु थापा बिजयी भएकी छिन् । उनका प्रतिस्पर्धी नेकपा माओवादी केन्द्रका उम्मेदवार मधुप्रसाद थापाले तीन हजार ४८९ मत प्राप्त गरेका छन् । १८ हजार २३८ मतदाता रहेकोमा १० हजार ६७७ मत खसेको आठ वटा वडा मध्ये २, ३, ४, ५ र ६ नम्बर वडा नेपाली काँग्रेस, ७ र ८ नम्बर वडा स्वतन्त्र र १ नम्बर वडा नेकपा माओवादी केन्द्रका उम्मेदवार ननिर्वाचित भएका छन् ।
वडा नं. १ माओवादीका कुश थापा (८३१), २ मा कांग्रेसका दलबहादुर थापा (४६१), ३ मा कांग्रेसका भिम बहादुर थापा (८०८), ४ मा कांग्रेसका प्रेमराज श्रेष्ठ (७०६), ५ मा कांग्रेसका बुद्धिमान राना मगर (८२२), ६ मा कांग्रेसका भक्तबहादुर आले (५६५), ७ मा स्वतन्त्र दुर्गा बहादुर थापा (४९५) र ८ मा स्वतन्त्र भरतकृष्ण श्रेष्ठ (३९६) वडाध्यक्षमा निर्वाचित भएका छन् ।
भानु नगरपालिका
यस्तै, भानु नगरपालिकाको वडा नं. १ मा कांग्रेसका कान्छीमाया तामाङ (६७२), २ मा एमालेका केशवराज त्रिपाठी (६२२), ३ मा कांग्रेसका तुकुमार गुरु (९०८), १२ मा कांग्रेसका बेलबहादुर अधिकारी (९२९), १३ मा स्वतन्त्र कृष्ण बहादुर अधिकारी (५२१), ११ मा स्वतन्त्र विमलराज जोशी (१०६३) वडाध्यक्ष पदमा निर्वाचित भएका छन् ।
शुक्लागण्डकी नगरपालिका
शुक्लागण्डकी नगरपालिकाको वडा नं. १ मा कांग्रेसका रविचन्द्र पौडेल (१११३), २ मा कांग्रेसका सुमन बहादुर राना (९२५), ३ मा कांग्रेसका सचिन भुजेल (८०५), ४ मा कांग्रेसका राजकुमार वाग्ले (७७८), ५ मा एमालेका दीर्घबहादुर थापा (१२१९), ६ मा एमालेका बुद्धी बहादुर थापा (१२७३), ९ मा एमालेका धनबहादुर थापा (७४०) वडाध्यक्षमा निर्वाचित भएका छन् ।
