आदिकवि भानुभक्त क्याम्पसको सहिद चन्द्र नेपाली छात्रवासमा बसेका विद्यार्थीहरुसंग छलफल

आदिकवि भानुभक्त क्याम्पस दमौलीको सहिद चन्द्र नेपाली छात्रवासमा बसेर अध्ययन गरिरहेका छात्राहरुसँग विहीवार छलफल कार्यक्रम गरिएको छ ।

छात्रावास व्यवस्थापन समितिका अध्यक्ष होमबहादुर रसाइलीको अध्यक्षता आयोजित कार्यक्रममा नव आगन्तुक विद्यार्थीहरुसंगको परिचय कार्यक्रम र छात्रावासमा रहेर अध्ययन गर्ने विद्यार्थीहरुले ध्यानदिनुपर्ने विषयमा क्याम्पस प्रमुख महेश हड्खलेले जानकारी गराएका थिए ।

समितिका अध्यक्ष रसाइलीले छात्रावास निर्माणको उद्देश्य र छात्रावास विस्तारको आगामी योजनाका बारेमा विद्यार्थीहरुलाई जानकारी गराएका थिए भने छात्राबासका प्रमुख मीना श्रेष्ठले विद्यार्थीहरूको हालको अवस्थाको बारेमा सहभागिहरुलाई जानकारी गराएका थिए ।

उक्त छात्राबासमा बसेर हाल ३२ जना विद्यार्थीहरु अध्ययन गरिरहेका छन् । गोरखा, लमजुङ र तनहुँ लगायतका जिल्लाहरुका विभिन्न भागका न्यूनआय भएका, असाहय र दुर्गम भेगका विद्यार्थीहरुले छात्राबासको सुविधा लिँदै आएको क्याम्पसले जनाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर