भिमाद स्थित जनज्योति क्याम्पसमा वक्तृत्वकला प्रतियोगिता

तनहुँको भिमाद नगरपालिकास्थित जनज्योति क्याम्पसमा वक्तृत्वकला प्रतियोगिता गरिएको छ । क्याम्पसको अतिरिक्त क्रियाकलाप समितिद्वारा आयोजित प्रतियोगितामा ९ जना विद्यार्थी सहभागि भएका थिए ।

‘वातावरण प्रदुषणले वन्यजन्तुमा पारेको प्रभाव’ शीर्षकमा वक्तृत्वकला प्रतियोगितामा बि.एड् प्रथम बर्षकी छात्रा रिता आले प्रथम, बि.एड् चौथो बर्षका मिलन रिजाल द्वितीय, बि.बि.एस् तृतीय बर्षका तुलप्रसाद श्रेष्ठ तृतीय र बि.बि.एस द्वितीय बर्षकी सपना लम्सालले सान्त्वना स्थान हासिल गरेका छन् ।

क्याम्पस प्रमुख केशबराज काफ्लेको प्रमुख आतिथ्यमा संचालित उक्त कार्यक्रमको अध्यक्षता सहायक क्याम्पस प्रमुख तथा अतिरिक्त क्रियाकलाप समितिका संयोजक शिवदत्त चापागाईंले गरेका थिए । यस्तै, क्याम्पसमा शैक्षिक वर्ष २०८०/०८१ अन्तर्गत बि.बि.एस प्रथम बर्ष र बि.एड. प्रथम बर्षमा नव प्रवेश गर्ने विद्यार्थीहरुलाई स्वागत तथा अभिमुखीकरण गरिएको छ ।