तनहुँको आँबुखैरेनी-२ मा सडक भासिँदा पृथ्वीराजमार्ग अवरुद्ध, करिब ४ घण्टापछि एकतर्फी सञ्चालनमा

पृथ्वीराजमार्ग अन्तर्गत मुग्लिङ-पोखरा सडकखण्ड निर्माणको क्रममा तनहुँको आँबुखैरेनी गाउँपालिका-२ स्थित खानिखोला पुल नजिकैको सडक भासिँदा अवरुद्ध भएको सडक ४ घण्टा पछि एकतर्फी सञ्चालनमा ल्याइएको छ ।

आज बिहान करिब १० बजेदेखि अवरुद्ध उक्त सडकखण्ड भएको थियो । इलाका प्रहरी आँबुखैरेनीका अनुसार करिब ४ घण्टा पछि साना सवारी साधन दुइतर्फी र ठुला सवारी साधन एकतर्फी सञ्चालनमा ल्याइएको छ । राजमार्ग चौडा पार्ने क्रममा भाँसिएको सडकमा माटो हालेर मर्मत कार्य भइरहेको प्रहरीले जनाएको छ ।