बन्दिपुरमा १४ गोरु जुधाइयो, नविन गुरुङको गोरु प्रथम

तनहुँको बन्दिपुरमा माघे संक्रान्ति पर्वको अवसरमा १४ वटा गोरु जुधाइ प्रतियोगिता आइतबार सम्पन्न गरिएको छ । बन्दिपुर-२ कुकुर्दी स्थित नारायण-गोपाल युवा क्लबले गोरु जुधाइ प्रतियोगिता गरेको थियो ।

उक्त गोरु जुधाई प्रतियोगितामा हल्थुम्काका नविन गुरुङको गोरु प्रथम र कुकुर्दीका सन्तोष गुरुङको गोरु द्वितीया भएको छ । गोरु जुधाई प्रतियोगितामा गाउँपालिका भित्रका चौध हल गोरु सहभागि गराइएको नारायण-गोपाल युवा क्लबका अध्यक्ष उज्वल गुरुङले बताए ।

प्रतियोगितामा पहिलो हुने गोरुका धनीले नगद १५ हजार रुपैयाँ र दोस्रो हुनेलाई सात हजार रुपैयाँ पुरस्कार प्रदान गरिएको छ । क्लबले प्रत्येक वर्ष माघे संक्रान्तिमा गोरु जुधाई प्रतियोगिता गर्दै आएकोले यसबर्ष पनि निरन्तरता दिइएको उनले बताए ।

सोही अवसरमा क्लबले आमा समूहका लागि डोरी तान्ने प्रतियोगिता, पुरुषका लागि बाँसको लिङ्गोबाट भाले टिपाइ प्रतियोगिता र खुलातर्फ घैँटो फुटाइ प्रतियोगिता लगायतका मनोरञ्जनात्मक सांस्कृतिक कार्यक्रम गरेको थियो ।

सेयर गर्नुहोस्

प्रतिक्रिया दिनुहोस्

सम्बन्धित खवर